എബ്രിഡ് ഷൈൻ–നിവിൻ പോളി കൂട്ടുകെട്ടിൽ പുറത്തിറങ്ങിയ ആക്ഷൻ ഹീറോ ബിജു ബോളിവുഡിൽ റീമേയ്ക്ക് ചെയ്യുന്നുവെന്ന് റിപ്പോർട്ട്. രോഹിത് ഷെട്ടിയാകും ചിത്രം ഹിന്ദിയിൽ ഒരുക്കുക. നിവിൻ പോളി അവതരിപ്പിച്ച ബിജു പൗലോസായി അജയ് ദേവ്ഗൺ എത്തും.
നേരത്തെ സൂര്യ അഭിനയിച്ച സിങ്കം പതിപ്പ് റീമേയ്ക്ക് ചെയ്യാനായിരുന്നു രോഹിത്തിന്റെ പദ്ധതി. സിങ്കം 3 എന്ന പേരിൽ ചിത്രം പ്രഖ്യാപിക്കുകയും ചെയ്തു. മുമ്പ് സിങ്കം ഹിന്ദിയിൽ റീമേയ്ക്ക് ചെയ്തപ്പോഴും ഈ കൂട്ടുകെട്ട് തന്നെയാണ് ഒന്നിച്ചത്. എന്നാൽ ഇപ്പോൾ സിങ്കം 3 എന്ന പേരിൽ ആക്ഷൻ ഹീറോ ബിജുവാകും ടീം ചെയ്യുക എന്നാണ് പുതിയ വാർത്ത.
×
