രൺവീർ സിങ് ആദ്യമായി പൊലീസ് വേഷത്തിലെത്തുന്ന സിംബയുടെ ട്രെയിലർ റിലീസ് ചെയ്തു. ജൂനിയർ എൻ.ടി.ആർ. നായകനായി 2015ൽ പുറത്തിറങ്ങിയ ടെംപർ എന്ന തെലുങ്കു ചിത്രത്തിന്റെ ഹിന്ദി പതിപ്പാണ് സിംബ. അഴിമതിക്കാരനായ പൊലീസ് ഉദ്യോഗസ്ഥന് സൻഗ്രാം ബലേറാവു എന്ന കഥാപാത്രത്തെയാണ് രൺവീർ സിംബയിൽ അവതരിപ്പിക്കുന്നത്.
Simmba | Official Trailer | Ranveer Singh, Sara Ali Khan, Sonu Sood
രോഹിത് ഷെട്ടി സംവിധാനം ചെയ്ത ചിത്രത്തിൽ സെയ്ഫ് അലിഖാന്റെ മകൾ സാറാ അലിഖാനാണ് നായികയായി എത്തുന്നത്. അജയ് ദേവ് ഗൺ, സോനു സൂദ് എന്നിവരും പ്രധാനകഥാപാത്രങ്ങളെ അവതരിപ്പിക്കുന്നുണ്ട്. സിങ്കം സിനിമയിലെ അതേ കഥാപാത്രമായാണ് അജയ് ദേവ്ഗൺ എത്തുന്നത്.
ജോമോൻ ടി. ജോൺ ആണ് ഛായാഗ്രഹണം. ചിത്രം ഡിസംബര് 28നു റിലീസ് ചെയ്യും.