Manoramaonline.com no longer supports Internet Explorer 8 or earlier. Please upgrade your browser.  Learn more »

രൺവീറിന്റെ വാക്കുകേട്ട് കണ്ണുനിറഞ്ഞ് ദീപിക; വിഡിയോ

deepika-crying

ബോളിവുഡ് ഒന്നടങ്കം ആഘോഷിച്ച താരവിവാഹമായിരുന്നു രണ്‍വീര്‍ സിങ് ദീപിക പദുക്കോണിന്റേത്. ആറു വര്‍ഷത്തെ പ്രണയത്തിനൊടുവില്‍ കഴിഞ്ഞ നവംബറിലാണ് ഇറ്റലിയില്‍ വച്ച് ഇരുവരും വിവാഹിതരായത്. വിവാഹത്തിനു ശേഷവും താരജോഡികൾ വാർത്തയിൽ നിറയുകയാണ്.

ഒരു സിനിമാ പുരസ്കാരം ഏറ്റുവാങ്ങി രൺവീർ പറയുന്ന വാക്കുകളും അതുകേട്ട ശേഷം നിറകണ്ണുകളോടെയുള്ള ദീപികയുടെ സ്നേഹപ്രകടനവുമാണ് ആരാധകരുടെ ഇടയിൽ തരംഗമാകുന്നത്.

ഇരുവരും ഒന്നിച്ചഭിനയിച്ച, സഞ്ജയ് ലീല ബന്‍സാലിയുടെ പത്മാവത് ചിത്രത്തിലെ പ്രകടനത്തിന്, ഈ വര്‍ഷത്തെ സ്റ്റാര്‍ സ്‌ക്രീന്‍ പുരസ്‌കാരം രണ്‍വീറിന് ലഭിച്ചിരുന്നു. ചിത്രത്തില്‍ അലാവുദീന്‍ ഖില്‍ജി എന്ന വില്ലന്‍ കഥാപാത്രമായാണ് ചിത്രത്തില്‍ രണ്‍വീര്‍ പ്രത്യക്ഷപ്പെട്ടത്.

പുരസ്‌കാരം ഏറ്റുവാങ്ങിക്കൊണ്ട് രണ്‍വീര്‍ പറഞ്ഞ വാക്കുകളാണ് ആരാധകർ ഏറ്റെടുത്തത്. ദീപികയും സദസിൽ ഉണ്ടായിരുന്നു.

‘സിനിമയില്‍ എനിക്ക് റാണിയെ കിട്ടിയില്ല. പക്ഷെ യഥാര്‍ത്ഥ ജീവിതത്തില്‍ എനിക്കെന്റെ രാജ്ഞിയെ ലഭിച്ചു. ബേബി, ഐ ലവ് യൂ. കഴിഞ്ഞ ആറ് വര്‍ഷത്തിനിടെ ഞാന്‍ എന്തൊക്കെ നേടിയോ, അതെല്ലാം നീ തന്ന പിന്തുണകൊണ്ടാണ്. എല്ലാത്തിനും നന്ദി. ഐ ലവ് യൂ.’രണ്‍വീറിന്റെ വാക്കുകള്‍ കേട്ട് സന്തോഷത്താൽ ദീപികയുടെ കണ്ണുനിറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.