ഒരു സ്ത്രീ ഏറ്റവും സുന്ദരിയായിരിക്കുന്നത് അവൾ അമ്മയാകാൻ ഒരുങ്ങുമ്പോഴാണോ? അതെ. കരീന കപൂറിന്റെ ഈ ചിത്രം കാണുമ്പോൾ മറ്റെന്ത് പറയുവാനാണ്.
വെളുത്ത ഫ്രോക്കണിഞ്ഞു മുടിയഴിച്ച് നിറവയറുമായി നിൽക്കുന്ന കരീനയുടെ ചിത്രം അത്രമേൽ സുന്ദരമാണ്. പക്ഷേ ഈ ചിത്രത്തിനെ ഇത്രയേറെ ചന്തം നൽകുന്നത് പുറംഭംഗി മാത്രമല്ല എന്നതാണ് ഏറ്റവും പ്രസക്തം. കരീനയുടെ നിലപാടുകൾ കൂടിയാണ് അതിനു കാരണം.
മാഗസിൻ ഫോട്ടോഷൂട്ടിന് മുമ്പോടിയായി കരീന പോകുന്നതിന്റെ ചിത്രങ്ങളായിരുന്നു ഇത്. പ്രസവകാലം ഒരിക്കലും മടിപിടിച്ച് ഇരിക്കേണ്ടതല്ലെന്നും അപ്പോഴും നമ്മൾ ആക്ടീവ് ആയിരിക്കണമെന്നുമാണ് കരീനയുടെ കാഴ്ചപ്പാട്.
താൻ അമ്മയാകുവാൻ പോകുന്നുവെന്നത് ഒരിക്കലും മറച്ചുവയ്ക്കാത്ത, കാമറകളെ പേടിച്ച് ഒളിച്ചിരിക്കാതിരുന്ന നിലപാട്. നിറവയറുമായി റാംപിൽ വരെ ചുവടുവച്ചു കരീന.
സാധാരണ നടിമാർ ചെയ്യാൻ മടിക്കുന്ന കാര്യം നിറഞ്ഞ പുഞ്ചിരിയോടെ കരീന പ്രാവർത്തികമാക്കുകയായിരുന്നു. ഇന്റർനെറ്റ് ലോകത്ത് കരീനയുടെ ഈ പുത്തൻ ചിത്രം വൈറലായതും അതുകൊണ്ടാണ്.
