Manoramaonline.com no longer supports Internet Explorer 8 or earlier. Please upgrade your browser.  Learn more »

ഹോളിവുഡ് സിനിമയുടെ ട്രെയിലറിൽ തിളങ്ങി കേരളം

basmati-bues-trailer

മികച്ച അഭിനേത്രിക്കുള്ള ഓസ്കർ പുരസ്കാര ജേതാവായ ബ്രീ ലാർസണ്‍ നായികയാകുന്ന പുതിയ ചിത്രം ‘ബസ്‌മതി ബ്ലൂസ്’ ട്രെയിലര്‍ പുറത്തിറങ്ങി. കോട്ടയം ചങ്ങനാശേരിയാണ് സിനിമയുടെ പ്രധാന ലൊക്കേഷൻ. സിനിമയുടെ ട്രെയിലറിലും കേരളത്തിലിന്റെ സൗന്ദര്യമാണ് എടുത്തുകാണിക്കുന്നതും.

BASMATI BLUES Official Trailer (2018) Brie Larson

സംവിധായകനും എഴുത്തുകാരനുമായ ഡാൻ ബാരൻ ആണ് ‘ബസ്‌മതി ബ്ലൂസ്’ എന്ന മ്യൂസിക്കൽ റൊമാന്റിക് കോമഡി ഹോളിവുഡ് ചിത്രം ഒരുക്കുന്നത്. 2013ലാണ് സിനിമയുടെ ചിത്രീകരണത്തിനായി അണിയറപ്രവര്‍ത്തകർ എത്തിയത്.

ഹോളിവുഡിലെ പ്രമുഖതാരമായ ഡൊണാൾഡ് സതർലൻഡും ബ്രീ ലാർസണുമായിരുന്നു ചിത്രത്തിലെ മറ്റു പ്രധാന കഥാപാത്രങ്ങൾ. ആമേൻ, സിങ്കം 2 എന്നീ സിനിമകളിലൂടെ ശ്രദ്ധനേടിയ ആൻഡ്രിയ, ആഞ്ജല എന്നീ കുട്ടികള്‍ക്കൊപ്പം അഞ്ചോളം ഇന്ത്യൻ താരങ്ങളും ചിത്രത്തിലുണ്ട്.

ജനിതകമാറ്റം വരുത്തിയ നെൽവിത്ത്‌ ഇന്ത്യയിലെത്തിക്കുന്ന വിദേശകമ്പനികളും അവ സൃഷ്‌ടിക്കുന്ന സാമൂഹിക പ്രശ്‌നങ്ങളുമാണ് സിനിമയുടെ പ്രമേയം. ജനിതകമാറ്റം വരുത്തിയ വിത്ത് കണ്ടെത്തുന്ന യുവ ശാസ്‌ത്രജ്‌ഞയായ ലിൻഡയുടെ വേഷത്തിലാണ് ബ്രീ ലാർസൺ അഭിനയിക്കുന്നത്. ഇന്തോ-അമേരിക്കൻ സംയുക്‌ത സംരംഭമായിരുന്നു നിർമാണം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.