പതിനഞ്ചു വർഷത്തിലധികമായി മലയാളസിനിമയിൽ ഒരു അനിഷേധ്യ സാന്നിധ്യമായി നിൽക്കുന്ന താരമാണ് സൈജു കുറുപ്പ്. കോർപറേറ്റ് ജീവിതത്തിനിടെ പ്രശസ്ത ഗായകൻ എം.ജി. ശ്രീകുമാറിനെ കണ്ടുമുട്ടിയത് സൈജുവിന്റെ ജീവിതത്തിൽ ഒരു വഴിത്തിരിവായി. എംജിയുടെ "അഭിനയിക്കുമോ" എന്ന ചോദ്യത്തിന് ‘പിന്നെന്താ’ എന്ന് മറുപടികൊടുത്ത സൈജു കുറുപ്പ്, ഹരിഹരൻ എന്ന അതുല്യ പ്രതിഭയുടെ സിനിമയിൽ അരങ്ങേറ്റം കുറിച്ച് ഇന്നിപ്പോൾ മേപ്പടിയാനിൽ ഉണ്ണിമുകുന്ദന്റെ സന്തതസഹചാരിയായി ഭൂതകാലത്തിലെ സൈക്കോളജിസ്റ്റായി മലയാള സിനിമയിൽ ഏതു കഥാപാത്രങ്ങളും വിശ്വസിച്ചേൽപ്പിക്കാൻ കഴിയത്തക്കവിധം ഒരു നെടുംതൂണായി നിറഞ്ഞു നിൽക്കുന്നു.
