കഥ പറച്ചിലിലെ ഫ്രഷ്നെസ്, തിരഞ്ഞെടുക്കുന്ന വിഷയങ്ങളിലെ വൈവിധ്യം, ജൈവികമായ കഥാപാത്രവികാസം... ഏറ്റവും ലളിതമായി കൃഷാന്തിന്റെ സിനിമകളെ ഇങ്ങനെ വിവരിക്കാം. വൃത്താകൃതിയിലുള്ള ചതുരവും ആവാസവ്യൂഹവും മലയാളത്തിലിറങ്ങിയ രാജ്യാന്തര സിനിമകളാണ്. ഭാഷാതിർത്തികളെ മായ്ച്ചു കളയുന്ന പ്രമേയങ്ങളിലൂടെ സിനിമയുടെ ദൃശ്യഭാഷയ്ക്ക് പുതിയ അതിർത്തികൾ ചമയ്ക്കുകയാണ് യുവസംവിധായകൻ കൃഷാന്ത്. സൂപ്പർഹീറോ കഥകളും ഫാന്റസി സിനിമകളും ചെയ്യാൻ മലയാളം പോലെ പരിമിത ബജറ്റിനുള്ളിൽ വട്ടം കറങ്ങുന്ന ഇൻഡസ്ട്രിക്ക് സാധിക്കുമോ എന്ന ചോദ്യത്തിനുള്ള ഉത്തരം കൂടിയാണ് മികച്ച ചിത്രമായി തിരഞ്ഞെടുക്കപ്പെട്ട കൃഷാന്തിന്റെ ആവാസവ്യൂഹം. ആ ചിത്രത്തിലൂടെ മികച്ച തിരക്കഥയ്ക്കുള്ള സംസ്ഥാന പുരസ്കാരവും കൃഷാന്ത് നേടി. പുരസ്കാരനേട്ടത്തെക്കുറിച്ചും സിനിമാനിർമാണത്തിലെ വെല്ലുവിളികളെക്കുറിച്ചും ആവാസവ്യൂഹം സംവിധായകൻ കൃഷാന്ത് ആർ.കെ സംസാരിക്കുന്നു.
