ജനപ്രിയ നായകൻ ദിലീപ് നായകനാകുന്ന ഏറ്റവും പുതിയ ചിത്രം രാമലീലയുടെ മേക്കിയ്ങ് വിഡിയോ പുറത്തിറങ്ങി. പുലിമുരുകന് എന്ന ബ്രഹ്മാണ്ഡഹിറ്റിന് ശേഷം ടോമിച്ചൻ മുളകുപാടം നിർമിക്കുന്ന സിനിമ നവാഗതനായ അരുൺഗോപിയാണ് സംവിധാനം ചെയ്യുന്നത്.
Ramaleela Official Making Video | Dileep | Arun Gopi | Mulakuppadam Films
ലയൺ എന്ന സൂപ്പർഹിറ്റ് ചിത്രത്തിന് ശേഷം ശക്തനായ രാഷ്ട്രീയ നേതാവായി ദിലീപ് എത്തുന്നു എന്നതാണ് സിനിമയുടെ മറ്റൊരു പ്രത്യേകത. ഏറെക്കാലമായി ദിലീപ് ആരാധകർ കാത്തിരിക്കുന്ന ഒരു വേഷം കൂടിയായിരിക്കും ഈ സിനിമയിലേത്.
പ്രയാഗ മാർട്ടിൻ ആണ് നായിക. സിനിമയിൽ രാധിക ശരത്കുമാറാണ് ദിലീപിന്റെ അമ്മ വേഷത്തിൽ അഭിനയിക്കുന്നത്. സഖാവ് രാഗിണി എന്നാണ് കഥാപാത്രത്തിന്റെ പേര്. 24 വർഷത്തിന് ശേഷം രാധിക അഭിനയിക്കുന്ന മലയാളചിത്രം കൂടിയാണ് രാമലീല. ദിലീപ് എംഎൽഎ ആയി എത്തുന്നു.
സലിം കുമാർ, മുകേഷ്,സിദ്ദിഖ്, വിജയരാഘവന്,കലാഭവന് ഷാജോണ് എന്നിവര് പ്രധാനവേഷങ്ങളിലെത്തുന്നു. സച്ചിയുടേതാണ് തിരക്കഥ. റഫീഖ് അഹമ്മദിന്റെ ഗാനങ്ങള്ക്ക് ബിജിപാല് സംഗീതം.