Manoramaonline.com no longer supports Internet Explorer 8 or earlier. Please upgrade your browser.  Learn more »

പർവതങ്ങളെ പ്രണയിക്കുന്ന ചെറുപ്പക്കാരൻ; പ്രണവിന് ആശംസകളുമായി ശ്രീകുമാർ മേനോന്‍

pranav-sri

ആദി സിനിമയിലൂടെ നായകനായി അരങ്ങേറ്റം കുറിക്കുന്ന പ്രണവിന് ആശംസകളുമായി സംവിധായകന്‍ വി. എ ശ്രീകുമാർ. മോഹൻലാല്‍ നായകനാകുന്ന ഒടിയൻ സിനിമയുടെ സംവിധായകനാണ് അദ്ദേഹം. ‘പർവതങ്ങളെ പ്രണയിക്കുന്ന ചെറുപ്പക്കാരനാണ് നിങ്ങൾ. സിനിമ ഒരു കൊടുമുടിയെങ്കിൽ അത് കീഴടക്കാനാകട്ടെ.’–ശ്രീകുമാർ മേനോൻ പറഞ്ഞു.

ശ്രീകുമാർ മേനോന്റെ കുറിപ്പ് വായിക്കാം–

പ്രിയപ്പെട്ട പ്രണവ്, 

സ്വാഗതം, പാഠപുസ്തകം പോലെ അച്ഛന്റെ പാദമുദ്രകൾ പതിഞ്ഞുകിടക്കുന്ന ലോകത്തിലേക്ക്... നിങ്ങളുടെ കുടുംബത്തിന് മീതേ വർഷങ്ങളായി ഒരു മഞ്ഞിൻപൂവ് പോലെ വിരിഞ്ഞുനിൽക്കുന്ന സിനിമയെന്ന മനോഹാരിതയുടെ വീട്ടിലേക്ക്.. അതിന്റെ ഒരു കോണിൽ നിന്നുകൊണ്ട് ഒരിക്കൽക്കൂടി സ്വാഗതം പറയുന്നു. 

ഏറെ യാത്രചെയ്യുന്ന,വായിക്കുന്ന,എഴുതുന്ന, പർവതങ്ങളെ പ്രണയിക്കുന്ന ചെറുപ്പക്കാരനാണ് നിങ്ങൾ. സിനിമ ഒരു കൊടുമുടിയെങ്കിൽ അത് കീഴടക്കാനാകട്ടെ...ഒരു ഭൂഖണ്ഡമെങ്കിൽ അങ്ങോട്ടുള്ള യാത്ര ഓരോ നിമിഷവും ആസ്വാദ്യകരമാകട്ടെ...ഒരു കവിതയെങ്കിൽ അതിന്റെ ഈണം എന്നും പ്രചോദിപ്പിക്കട്ടെ.. 'ആദി'യിൽ വിജയമുണ്ടാകട്ടെ...എല്ലാ ആശംസകളും പ്രാർഥനകളും! 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.