Manoramaonline.com no longer supports Internet Explorer 8 or earlier. Please upgrade your browser.  Learn more »

സുചിത്രയും മോഹൻലാലും പ്രണവും; 21ാം നൂറ്റാണ്ട് പൂജ

irupathiyonnam-noottandu-pooja ചിത്രങ്ങൾ–മനു മുളന്തുരുത്തി

പ്രണവ് മോഹൻലാലിനെ നായകനാക്കി അരുൺ ഗോപി സംവിധാനം ചെയ്യുന്ന 21ാം നൂറ്റാണ്ട് എന്ന സിനിമയുടെ പൂജ നടന്നു. അഞ്ചുമന ക്ഷേത്രത്തിൽെവച്ചായിരുന്നു സിനിമയുടെ പൂജ. മോഹൻലാൽ, സുചിത്ര, പ്രണവ്, ടോമിച്ചൻ മുളകുപാടം, ആസിഫ് അലി, അരുൺ ഗോപി, കെ. മധു, ആന്റണി പെരുമ്പാവൂർ, സമീർ ഹംസ എന്നിവർ പങ്കെടുത്തു.

31 വർഷങ്ങൾക്ക് മുമ്പ് മോഹൻലാൽ നായകനായി കെ. മധു ഒരുക്കിയ സിനിമയായിരുന്നു ഇരുപതാം നൂറ്റാണ്ട്. േപരിന്റെ സാമ്യം പോലെ തന്നെ 21ാം നൂറ്റാണ്ടും ആക്​ഷന്‍ എന്റർടെയ്നർ തന്നെയായിരിക്കും. ഇതൊരു അധോലോക കഥ അല്ല എന്ന് പോസ്റ്ററിൽ കാണാം. സംവിധായകന്‍ കെ മധുവിന്റെ ശിഷ്യനാണ് അരുണ്‍ ഗോപി. ഇരുപത്തിയൊന്നും നൂറ്റാണ്ടുമായി അരുണ്‍ ഗോപി വരുന്നതിന്റെ പിന്നില്‍ ഗുരുവിന്റെ എല്ലാ പിന്തുണയുമുണ്ട്. സിനിമയുടെ പ്രഖ്യാപനം നടന്ന സമയത്ത് അരുണിന് ആശംസകളുമായി മധു എത്തിയിരുന്നു. ഇന്ന് പൂജ ചടങ്ങുകള്‍ക്കും മധുവിന്റെ സാന്നിധ്യമുണ്ടായിരുന്നു.

irupathiyonnam-noottandu-pooja-14

ഈ മാസം 23ന് കാഞ്ഞിരപ്പള്ളിയിൽ സിനിമയുടെ ചിത്രീകരണം ആരംഭിക്കും. മുളകുപാടം ഫിലിംസിന്റെ ബാനറിൽ നിർമിക്കുന്ന ഏഴാമത്തെ ചിത്രം കൂടിയാണിത്. അരുൺ ഗോപിയുടെ ആദ്യചിത്രമായ രാമലീല നിർമിച്ചതും ടോമിച്ചൻ മുളകുപാടമായിരുന്നു.

irupathiyonnam-noottandu-pooja-16

വമ്പൻ ടീമുകളാണ് സിനിമയ്ക്കായി അണിചേരുന്നത്. സിനിമയുടെ ആക്​ഷൻ കൈകാര്യം ചെയ്യുന്നത് പീറ്റർ ഹെയ്ൻ ആണ്. സംഗീതം ഗോപിസുന്ദർ. ഛായാഗ്രഹണം അഭിനന്ദ് രാമാനുജൻ. എഡിറ്റിങ് വിവേക് ഹർഷൻ. ആർട്ട്–ജോസഫ് നെല്ലിക്കൽ. പ്രൊഡക്ഷൻ കണ്ട്രോളർ–നോബിൾ ജേക്കബ്.

irupathiyonnam-noottandu-pooja-1

സിനിമയുടെ തിരക്കഥയും അരുൺ തന്നെ. സിനിമയുടെ മറ്റുവിവരങ്ങൾ പുറത്തുവിട്ടിട്ടില്ല. 

irupathiyonnam-noottandu-pooja-13

ജീത്തു ജോസഫിന്റെ അസോഷ്യേറ്റായി സിനിമയിൽ രണ്ടാംവരവ് അറിയിച്ച പ്രണവ് ആദ്യമായി നായകനായി എത്തിയ സിനിമയായിരുന്നു ആദി. കണ്ണഞ്ചിപ്പിക്കുന്ന ആക്​ഷൻ രംഗങ്ങൾകൊണ്ടും സ്വാഭാവിക അഭിനയശേഷി കൊണ്ടും പ്രണവ് പ്രേക്ഷകരുടെ ഇഷ്ടം നേടി. യുവനടന്റെ അരങ്ങേറ്റത്തിന് ലഭിക്കുന്ന ഏറ്റവും ഉയർന്ന കലക്ഷൻ തുകയും ആദി വാരിക്കൂട്ടി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.