ഇയ്യോബിന്റെ പുസ്തകത്തിന് ശേഷം അമല് നീരദും ഫഹദ് ഫാസിലും വീണ്ടും ഒന്നിക്കുന്ന ‘വരത്തൻ’ ടീസർ പുറത്ത്. ആക്ഷന് പ്രാധാന്യം നൽകുന്ന സിനിമയാണെന്നാണ് ടീസർ സൂചിപ്പിക്കുന്നത്.
VARATHAN TEASER | AMAL NEERAD| FAHADH FAASIL| NAZRIYA NAZIM| AISHWARYA LEKSHMI
അമല്നീരദിന്റെ ഉടമസ്ഥതയിലുള്ള എഎന്പിയും ഫഹദ് ഫാസിലിന്റെ ഉടമസ്ഥതയിലുള്ള നസ്രിയ നസീം പ്രൊഡക്ഷന്സും ചേര്ന്നാണ് ചിത്രം നിർമിക്കുന്നത്. വാഗമൺ, ദുബായ് എന്നിവിടങ്ങളായിരുന്നു പ്രധാനലൊക്കേഷൻ.
ഞണ്ടുകളുടെ നാട്ടില് ഒരിടവേള, മായാനദി എന്നീ ചിത്രങ്ങളിലൂടെ പ്രിയങ്കരിയായ നടി ഐശ്വര്യലക്ഷ്മിയാണ് ഈ അമൽനീരദ് ചിത്രത്തില് നായിക. ചിത്രത്തിൽ രണ്ട് വ്യത്യസ്ത ഗെറ്റപ്പിലാണ് ഫഹദ് എത്തുന്നത്.
സിനിമ സംബന്ധിച്ച എല്ലാ വിവരങ്ങളും അതീവ രഹസ്യമായി സൂക്ഷിച്ചിരിക്കുകയാണ് സിനിമയുടെ അണിയറ പ്രവര്ത്തകര്. പറവയുടെ ഛായാഗ്രാഹകന് ലിറ്റില് സ്വയമ്പാണ് ഈ ചിത്രത്തിന്റെ ക്യാമറ കൈകാര്യം ചെയ്യുന്നത്. വിവേക് ഹർഷൻ എഡിറ്റിങ്. സംഗീതം സുഷിൻ ശ്യാം.