സമൂഹമാധ്യമത്തിലൂടെ അപമാനിക്കാൻ വന്ന ആൾക്ക് മറുപടിയുമായി നടി രസ്ന പവിത്രൻ. ദുരിതാശ്വാസ ക്യാംപിലെ പ്രവർത്തനങ്ങളുമായി ബന്ധപ്പെട്ട് സംസാരിക്കാൻ ലൈവിൽ എത്തിയതായിരുന്നു രസ്ന.
സ്ത്രീകൾ വസ്ത്രത്തിനും മറ്റു അവശ്യസാധനങ്ങൾക്കും വേണ്ടി ബുദ്ധിമുട്ടുമ്പോൾ പുതിയത് മാത്രം വേണമെന്ന് വാശിപിടിക്കാതെ ഉപയോഗ്രപ്രദമായ വസ്ത്രങ്ങളും ക്യാംപിലേക്ക് ഉപയോഗിക്കണമെന്ന് രസ്ന വിഡിയോയിലൂടെ പറഞ്ഞിരുന്നു. പുതിയ വസ്ത്രങ്ങൾ മാത്രം ക്യാംപിലേക്ക് ശേഖരിക്കുന്നുവെന്ന് അറിഞ്ഞപ്പോൾ തോന്നിയ കാര്യമാണ് വിഡിയോയിലൂടെ പങ്കുവച്ചതെന്ന് രസ്ന പറയുന്നു.
അതിനിടെയാണ് ഒരാൾ ‘ഒന്നുപോടി’ എന്ന കമന്റ് ലൈവിൽ പോസ്റ്റ് ചെയ്തത്. ഇതോടെ രസ്ന ക്ഷുഭിതയായി. ഇത്തരത്തിലുള്ള വൃത്തികെട്ട സംസ്കാരം ഇനിയെങ്കിലും ആളുകൾ മാറ്റണമെന്നും വെറുതെ തെറിവിളിക്കുന്നവർക്ക് തക്ക മറുപടി കൊടുക്കണമെന്നും രസ്ന പറഞ്ഞു.
ധൈര്യമുണ്ടെങ്കിൽ വീണ്ടും കമന്റ് പോസ്റ്റ് ചെയ്യൂ എന്നായിരുന്നു രസ്ന മറുപടിയായി നൽകിയത്. തുടർന്ന് നടിയെ പിന്തുണച്ചും നിരവധി പേർ രംഗത്തെത്തി.
