പ്രേമം സിനിമയിലൂടെ പ്രേക്ഷകരുടെ പ്രിയതാരമായി മാറിയ നടിയാണ് മഡോണ സെബാസ്റ്റ്യൻ. നടി ഇൻസ്റ്റഗ്രാമില്‍ പങ്കുവെച്ച ചിത്രമാണ് ആരാധകരുടെ ചർച്ചാവിഷയം. നടി അറിയാതെ എടുത്തൊരു ചിത്രം, ചിത്രം പകർത്തിയത് ആരെന്ന് മഡോണയ്ക്കും അറിയില്ല. ആ ഫോട്ടോ മനോഹരമായെന്നു മാത്രമല്ല മഡോണയ്ക്കും ഒരുപാട് ഇഷ്ടമായി.
'ഈ ഫോട്ടോ എടുത്തവര്‍ക്ക് നന്ദി.. എന്റെ അമ്മയ്ക്ക് ഈ ചിത്രം വളരെ ഇഷ്ടപ്പെട്ടു' –ഇങ്ങനെയൊരു അടിക്കുറിപ്പ് നൽകിയായിരുന്നു മോഡണ ചിത്രം പങ്കുവെച്ചത്.
ഫോട്ടോ എന്തായാലും ആരാധകരും ഏറ്റെടുത്തു. സുന്ദരിയായിട്ടുണ്ടെന്നും മനോഹരമായ ക്ലിക്ക് ആണെന്നുമാണ് ചിത്രത്തിന് ലഭിക്കുന്ന അഭിപ്രായങ്ങൾ.
നടൻ വിഷ്ണു ജി. രാഘവിന്റെ വിവാഹച്ചടങ്ങിനെത്തിയപ്പോൾ ആരോ എടുത്ത ചിത്രമാണിത്. മരിയ ടിയ മരിയയാണ് മഡോണയുടെ ഈ വേഷം ഡിസൈന്‍ ചെയ്തിരിക്കുന്നത്.
ആസിഫ് അലി നായകനായി എത്തിയ ഇബ്‌ലിസിലാണ് മഡോണയെ അവസാനമായി കണ്ടത്. പ്രേമത്തിനുശേഷം ദിലീപിന്റെ കിങ് ലയർ ഉൾപ്പടെ രണ്ടു മലയാളചിത്രങ്ങളില്‍ മാത്രമാണ് നടി നായികയായി എത്തിയത്.
നിലവില്‍ കൊടിഗോബ്ബ 3 എന്ന കന്നഡ ചിത്രത്തിന്റെ ഷൂട്ടിങ് തിരക്കിലാണ് മഡോണ. മഡോണയുടെ ആദ്യ കന്നഡ സിനിമയാണിത്. കൊമ്പ് വച്ച സിങ്കം ഡാ എന്ന തമിഴ് ചിത്രമാണ് മറ്റൊരു പ്രോജക്ട്.
