പിറന്നാൾ ദിനത്തിൽ അർജുന് സര്‍പ്രൈസുമായി മക്കൾ; വിഡിയോ

കുടുംബത്തിനൊപ്പം പിറന്നാൾ ആഘോഷിച്ച് ആക്‌ഷൻ ഹീറോ അർജുൻ. മക്കളായ ഐശ്വര്യ, അഞ്ജന, ഭാര്യ നിവേദിത എന്നിവരും അർജുനൊപ്പം പിറന്നാൾ ആഘോഷത്തിൽ പങ്കെടുത്തു.

നടൻ തന്നെയാണ് ആഘോഷത്തിന്റെ വിഡിയോ ഫെയ്സ്ബുക്ക് പേജിലൂടെ ആരാധകർക്കായി പങ്കുവച്ചത്. അച്ഛൻ അർജുനോട് പറയാതെ മക്കളായ ഐശ്വര്യയും അഞ്ജനയുമാണ് സർപ്രൈസ് പിറന്നാൾ ആഘോഷം ഒരുക്കിയത്.

ദിലീപ് നായകനാകുന്ന ജാക്ക് ഡാനിയലിലൂടെ മലയാളത്തിൽ വീണ്ടും തിരിച്ചെത്തുകയാണ് അർജുൻ. മോഹൻലാൽ നായകനാകുന്ന മരക്കാർ എന്ന സിനിമയിലും അർജുൻ അഭിനയിക്കുന്നുണ്ട്.