അതീവ ഗ്ലാമറസ്സായി മാളവിക മോഹനൻ; വിഡിയോ
Mail This Article
ലാക്മേ ഫാഷൻ വീക്കില് തിളങ്ങി മലയാളി നടി മാളവിക മോഹനൻ. അതീവ ഗ്ലാമറസ്സായാണ് താരം വേദിയിൽ പ്രത്യക്ഷപ്പെട്ടത്. ഡിസൈനർ വിനീത് രാഹുല് ആണ് നടിക്ക് വേണ്ടി വസ്ത്രം ഡിസൈൻ ചെയ്തത്.
ഓഗസ്റ്റ് 21 മുതൽ ഒരാഴ്ചക്കാലമാണ് ഫാഷൻ മാമാങ്കം. ബോളിവുഡിനും ലാക്മേ ഫാഷൻ വീക്ക് ആഘോഷ കാലമാണ്. കത്രീന കൈഫ്, ഖുശി കപൂർ, കരിഷ് കപൂർ, സോഫി ചൗദരി, അമൃത അറോറ, ഡെയ്സി ഷാ, ഇഷാൻ ഖട്ടർ എന്നീ ബോളിവുഡ് താരങ്ങളുടെ സാനിധ്യവും ആദ്യദിനത്തിൽ ശ്രദ്ധേയമായി.
പട്ടം പോലെ എന്ന് മലയാളം സിനിമയിലൂടെയാണ് മാളവിക മോഹനന് സിനിമാ രംഗത്തേക്ക് കടന്നു വരുന്നത്. മലയാളി ഛായാഗ്രാഹകന് കെ.യു മോഹനന്റെ മകളാണ് മാളവിക. ഗ്രേറ്റ് ഫാദർ എന്ന ചിത്രത്തിലാണ് മലയാളത്തിൽ അവസാനമായി അഭിനയിച്ചത്. രജനികാന്ത് ചിത്രം പേട്ടയിൽ പ്രധാനവേഷത്തിൽ നടി അഭിനയിച്ചിരുന്നു.
വിജയ് ദേവരകൊണ്ടെ നായകനാകുന്ന തെലുങ്ക് ചിത്രം ‘ഹീറോ’യാണ് മാളവികയുടെ പുതിയ പ്രോജക്ട്. സിനിമയുടെ ചിത്രീകരണം ഈ വർഷം തുടങ്ങും.