കണ്ണുകളിൽ ‘കമല’; രണ്ടാമത്തെ പോസ്റ്റർ

അജു വർഗീസിനെ നായകനാക്കി രഞ്ജിത്ത് ശങ്കർ സംവിധാനം ചെയ്യുന്ന ‘കമല’യുടെ രണ്ടാമത്തെ പോസ്റ്റർ റിലീസ് ചെയ്തു. ത്രില്ലർ ഗണത്തിൽപെടുന്ന ചിത്രം 36 മണിക്കൂറുകൾക്കുളളിൽ സംഭവിക്കുന്ന കാര്യങ്ങളാണ് പറയുന്നത്.

സിനിമയുടെ ഫസ്റ്റ്ലുക്ക് പോസ്റ്ററിലും ചില നിഗൂഢതകൾ സംവിധായകൻ ഒളിപ്പിച്ചിരുന്നു. ശ്രദ്ധിച്ചുനോക്കിയാൽ ഒരു സ്ത്രീയുടെ രൂപം പോസ്റ്ററിൽ കാണാം. രണ്ടാം പോസ്റ്ററിലും കമലയുടെ മുഖ്യം അവ്യക്തമാണ്. കാറിന്റെ കണ്ണാടിയിലൂടെ നായികയുടെ കണ്ണുകൾ കാണാം.

പാസഞ്ചര്‍, അര്‍ജുനന്‍ സാക്ഷി എന്നീ ചിത്രങ്ങള്‍ക്ക് ശേഷം രഞ്ജിത്ത് ഒരുക്കുന്ന ത്രില്ലറാണ് കമല. നവംബറില്‍ ചിത്രം റിലീസിനെത്തും. അജുവും രഞ്ജിത്ത് ശങ്കറും ഒന്നിക്കുന്ന ഏഴാമത്തെ ചിത്രം കൂടിയാണിത്. പ്രേതം 2 ആണ് ഇതിനു മുമ്പ് രഞ്ജിത്ത് ഒരുക്കിയ ചിത്രം. രഞ്ജിത്ത് ശങ്കർ–ജയസൂര്യ ടീമിന്റെ ഡ്രീംസ് ആൻഡ് ബിയോണ്ട്സ് ആണ് നിർമാണം. ചിത്രം നവംബറിൽ റിലീസിനെത്തും.