ADVERTISEMENT

നടൻ ഷെയ്ൻ നിഗവും നിർമാതാവുമായുള്ള ഏറ്റുമുട്ടൽ വിഷയത്തിൽ നിലപാട് വ്യക്തമാക്കി മേജർ രവി. വിഷയത്തിൽ ആദ്യം ഷെയ്നൊപ്പം നില്‍ക്കുന്നുവെന്നു പറഞ്ഞെങ്കിലും ജോബി ജോര്‍ജിന്റെ വാക്കുകൾ ആ വിശ്വാസം തെറ്റിച്ചുവെന്ന് മേജർ രവി പറഞ്ഞു. എല്ലാവരോടുമായി, പ്രത്യേകിച്ച് കോൾ എടുക്കാത്ത ഷെയ്നോടായി എന്ന ആമുഖത്തോടെയാണ് ഫെയ്സ്ബുക്ക് കുറിപ്പ്. 

 

മേജർ രവിയുടെ കുറിപ്പ്: ''നിർമാതാവ് ജോബി വിളിച്ച പത്രസമ്മേളനം കണ്ടു. അദ്ദേഹം പറഞ്ഞതൊക്കെ ശരിയാണെന്നു തോന്നി. ഒരു പുതുമുഖ താരമെന്ന നിലയിൽ ഷെയ്നെ ഞാൻ പിന്തുണക്കുന്നു. പക്ഷേ, ചില അച്ചടക്കവും പ്രതിബദ്ധതയുമുണ്ടാകണം. അതുകൊണ്ട് നല്ല കുട്ടിയായി മുൻപ് സമ്മതിച്ചിരുന്നതുപോലെ ജോബിയുടെ സിനിമ പൂര്‍ത്തിയാക്കുക. അങ്ങനെ ചെയ്താൽ ഈ പ്രശ്നങ്ങള്‍ക്ക് പരിഹാരമാകും. ഉത്തരവാദിത്തബോധമുള്ള വ്യക്തിയാകുക. പറഞ്ഞ വാക്കിൽ ഉറച്ചുനില്‍ക്കുന്നിടത്തോളം കാലം ഞാൻ നിന്നെ പിന്തുണക്കും'. 

 

നിർമാതാവ് ഭീഷണിപ്പെടുത്തുന്നുവെന്ന ഷെയ്നിന്റെ വിഡിയോ കാണാൻ ഇടയായാന്നും കഠിനാധ്വാനിയായ ചെറുപ്പക്കാരന് എല്ലാവരും പൂർണ പിൻതുണ നൽകണമെന്നുമാണ് മേജർ രവി കഴിഞ്ഞ ദിവസം ഫെയ്സ്ബുക്കിൽ കുറിച്ചത്. ഈ വിഷയത്തില്‍ സത്യസന്ധമായ നിലപാടെടുക്കാൻ തീരുമാനിച്ച മേജർ രവിെയ പ്രശംസിച്ച് നിരവധി ആളുകളാണ് ഫെയ്സ്ബുക്കിൽ എത്തുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com