‘ഉസ്ബെക്കിസ്ഥാൻ ബസ്’; ശ്രദ്ധേയമായി ‘നിങ്ങൾക്കുമാകാം കോടീശ്വരന്റെ’ പരസ്യ വിഡിയോ
Mail This Article
മലയാള ടെലിവിഷൻ ചാനലിലെ ജനപ്രിയ റിയാലിറ്റി ഷോ ‘നിങ്ങൾക്കുമാകാം കോടീശ്വരന്റെ’ മൂന്നാമത്തെ പരസ്യ ചിത്രം പുറത്തിറങ്ങി. ആദ്യ രണ്ട് പരസ്യചിത്രങ്ങളും സമൂഹമാധ്യമങ്ങളിൽ ഏറെ കൈയ്യടി നേടിയിരുന്നു. ലളിതമായ അവതരണവും രസകരമായ ആശയവുമായാണ് പരസ്യ ചിത്രങ്ങളെ വ്യത്യസ്തമാക്കുന്നത്.
വ്യത്യസ്ത ആശയങ്ങളിലുള്ള മൂന്ന് പരസ്യ ചിത്രങ്ങളാണ് ‘നിങ്ങൾക്കുമാകാം കോടീശ്വരൻ’ പരിപാടിക്കായി അണിയറ പ്രവർത്തകർ ഒരുക്കിയിരിക്കുന്നത്. മാർട്ടിൻ പ്രക്കാട്ട് ആണ് സംവിധാനം. ഛായാഗ്രഹം ആനന്ദ്. സംഗീതം മെജോ ജോസഫ്. നിർമാണം രഞ്ജിത്ത് നായർ.
കെട്ടിലും മട്ടിലും പുതിയ ഭാവങ്ങൾ വരുത്തിക്കൊണ്ട് അരങ്ങേറുന്ന റിയാലിറ്റി ഷോ അതിന്റെ പ്രചരണ പരിപാടികൾകൊണ്ടു ശ്രദ്ധനേടി കഴിഞ്ഞു. അറിവിന്റെ വീഥിയിൽ ആരംഭിക്കുന്ന കോടീശ്വരന്റെ പുതിയ സീസൺ മനോരമയിലൂടെയാണ് പ്രേക്ഷകർക്ക് മുൻപിലേക്ക് എത്തുക. അറിഞ്ഞൊരുത്തരം പുതിയൊരു തുടക്കം എന്ന ടാഗ്ലൈനിൽ ആരംഭിക്കുന്ന പുതിയ സീസണിന്റെ ഓരോ വിഡിയോകളും പ്രേക്ഷകർ നിറഞ്ഞ മനസ്സോടെയാണ് സ്വീകരിക്കുന്നത്. മനോരമമാക്സ് ആപ്പിലൂടെയും മഴവിൽ മനോരമയിലൂടെയും പരിപാടി ആസ്വദിക്കാം