‘ഇതെന്താ മാസ്ക് ഡ്രെസ് ആക്കിയോ ?’ അനാർക്കലിയുടെ ഫോട്ടോയ്ക്ക് ആരാധകന്റെ കമന്റ്

നടി അനാർക്കലി മരിക്കാർ സമൂഹമാധ്യമത്തിൽ പങ്കു വച്ച പുതിയ ചിത്രത്തിനു താഴെ ആരാധകൻ കുറിച്ച രസകരമായ കമന്റ് വൈറലാകുന്നു. വെള്ള നിറത്തിലുള്ള ടോപ്പ് ധരിച്ച് താരം പങ്കു വച്ച ചിത്രത്തിനു താഴെയുള്ള കമന്റും മറുപടികളും രസകരമാണ്. 

‘ഇതെന്താ മാസ്ക് എടുത്ത് ഡ്രസ് ആയി തയിച്ചോ’ എന്നാണ് ആരാധകന്റെ ചോദ്യം. ഇൗ കമന്റിന് നിരവധി ലൈക്കുകളും മറുപടികളുമാണ് അനുനിമിഷം വരുന്നത്. എന്നാൽ അനാർക്കലി ഇതിനു മറുപടി കൊടുത്തിട്ടില്ല. ഇതു കൂടാതെ രസകരമായ മറ്റു നിരവധി കമന്റുകളും ചിത്രത്തിനു താഴെ വരുന്നുണ്ട്. 

ആനന്ദം എന്ന സിനിമയിലൂടെയാണ് അനാർക്കലി ആദ്യമായി സിനിമയിലെത്തുന്നത്. പിന്നീട് വിമാനം, മന്ദാരം എന്നീ ചിത്രങ്ങളിലും താരം അഭിനയിച്ചു. കഴിഞ്ഞ വർഷത്തെ സൂപ്പർഹിറ്റ് ചിത്രമായ ഉയരെയിലെ അനാർക്കലിയുടെ വേഷവും ശ്രദ്ധേയമായിരുന്നു.