നീർക്കോലി മതിയെന്ന് നോബി, ആട്ടിൻ സൂപ്പ് തരാമെന്ന് ഭാര്യ; വിഡിയോ

മിമിക്രി താരവും നടനുമായ നോബി മാർക്കോസ് പങ്കുവച്ച വിഡിയോ വൈറൽ ആകുന്നു. നോബിയും ഭാര്യയും ആണ് കഥാപാത്രങ്ങളായി എത്തുന്നത്. കേരളം ചർച്ച ചെയ്ത ഉത്ര കൊലപാതകവും, കൂടത്തായി കൊലപാതകത്തെയും പരാമർശിച്ചു കൊണ്ട് ആണ് ഹാസ്യാത്മകമായി നോബിയും ഭാര്യ ആര്യയും ഈ വിഡിയോ അവതരിപ്പിച്ചത്. 

ഭാര്യയുടെ മാല പണയം വയ്ക്കാൻ ചോദിച്ച് അവസാനം പുലിവാല് പിടിക്കുന്ന നോബിയുടെ രസകരമായ നിമിഷങ്ങളാണ് വിഡിയോയിൽ കാണാനാകുക.

ലോക്ഡൗണ്‍ ഇങ്ങനെ പോയാല്‍ ഇതാവും അവസ്ഥ എന്ന അടിക്കുറിപ്പോടെയായിരുന്നു നോബി ഈ വിഡിയോ സമൂഹമാധ്യമങ്ങളിൽ പങ്കുവച്ചത്. ഒപ്പം തന്നെ ഞങ്ങള്‍ ചുമ്മാ ഒന്ന് ചെയ്തതാണെന്നും താരം പറയുന്നുണ്ട്.