കോവിഡിനെ ‘വെല്ലുവിളിച്ച്’ യുവം ടീസർ: വിഡിയോ കാണാം

അമിത് ചക്കാലയ്ക്കൽ നായകനാകുന്ന യുവം എന്ന പുതിയ ചിത്രത്തിന്റെ ആദ്യത്തെ ടീസർ പുറത്തിറങ്ങി കോവിഡ് 19 മഹാമാരിയെ അതിജീവിക്കാനുള്ള പ്രതീക്ഷയും പ്രത്യാശയും നൽകുന്നതാണ് സിനിമയുടെ ടീസർ. 

കലയെയും സിനിമയെയും ഇല്ലാതാക്കാൻ വൈറസിനാകില്ല എന്ന വിശ്വാസം പങ്കുവെച്ചാണ് ടീസർ ആരംഭിക്കുന്നത്. അമിത് ചക്കാലക്കൽ, ഡയാന ഹമീദ്, അഭിഷേക് രവീന്ദ്രൻ, നിർമൽ പാലാഴി എന്നിവരാണ് ചിത്രത്തിൽ കേന്ദ്ര കഥാപാത്രങ്ങളെ  അവതരിപ്പിക്കുന്നത്.  വൺസ് അപ്പോൺ എ ടൈം പ്രൊഡക്ഷൻസിന്റെ ബാനറിൽ ജോണി മക്കോറ നിർമിക്കുന്ന ചിത്രം സംവിധാനം ചെയ്യുന്നത് പിങ്കു പീറ്റർ ആണ്. 

ഗോപി സുന്ദറാണ് യുവത്തിന്റെ സംഗീത സംവിധാനം നിർവഹിച്ചിരിക്കുന്നത്. ബി കെ ഹരിനാരായണൻ ആണ് ഗാനരചയിതാവ്. പുറത്തിറങ്ങി  ജോൺ കുട്ടി എഡിറ്റിംഗും സജിത്ത് പുരുഷൻ ഛായാഗ്രഹണവും ചെയ്തിരിക്കുന്ന ചിത്രത്തിന്റെ മേക്കപ്പ് അമൽ ചന്ദ്രനും വസ്ത്രാലങ്കാരം സമീറ സനീഷുമാണ്.