'ദുർഗ ബോൾഡ് ആകാൻ തീരുമാനിച്ചതിന്റെ ഫലമാണ് ഈ ഫോട്ടോഷൂട്ട്': വൈറൽ ചിത്രങ്ങൾ ക്ലിക്ക് ചെയ്തയാൾ പറയുന്നു
Mail This Article
നടി ദുർഗ കൃഷ്ണയുടെ ഗ്ലാമറസ് ഫോട്ടോഷൂട്ടാണ് ഇപ്പോൾ സമൂഹമാധ്യമങ്ങളിൽ ചർച്ചയാകുന്നത്. കയ്യിൽ എരിയുന്ന സിഗററ്റുമായി ഗ്ലാമറസ് വേഷത്തിൽ ചിത്രങ്ങളിൽ എത്തുന്ന താരത്തിന്റെ ഈ മേക്ഓവറിൽ ആരാധകരും അല്ലാത്തവരും ഒരുപോലെ ഞെട്ടി . നാടൻ വേഷങ്ങളിൽ മാത്രം കണ്ടു പരിചയിച്ച താരത്തിന്റെ പുതിയ ലുക്ക് അതോടെ വൈറലുമായി.
'ദി ബോസ് ബിച്' എന്ന് പേരിട്ടിരിക്കുന്ന ഈ ഫോട്ടോഷൂട്ട് ഒരുക്കിയ ജിക്സൺ ഇതിനെ കുറിച്ച് പറയുന്നതിങ്ങനെ: "ദുർഗ കൃഷ്ണ ഒരു ടിപ്പിക്കൽ മലയാളി പെൺകുട്ടിയാണ്. സാരിയും സൽവാറും ഇഷ്ടപെടുന്ന ഒരു സാധാരണക്കാരിയായ കുട്ടി. ദുർഗയുടെ ഈ ഫോട്ടോഷൂട്ട് ഒരു നിഗൂഢമായ അത്ഭുതം ആണെന്നാണ് ഞാൻ കരുതുന്നത്, കാരണം കയ്യിൽ സിഗരറ്റ് പിടിച്ചുള്ള ഈ ഫോട്ടോഷൂട്ടിനെക്കുറിച്ചു അവരെ പറഞ്ഞു മനസ്സിലാക്കി ബോധ്യപ്പെടുത്താൻ ഒരുപാടു പരിശ്രമിക്കേണ്ടി വന്നു."
"ജീവിതത്തിൽ ഇന്നു വരെ പുക വലിക്കാത്ത ദുർഗയ്ക്ക് ഈ ഫോട്ടോഷൂട്ട് സംബന്ധിച്ച് നിരവധി ആശങ്കകൾ ഉണ്ടായിരുന്നു. പക്ഷേ, ഒരു അഭിനേതാവെന്ന നിലയിൽ ബോൾഡ് ആകാനും അവരുടെ അതിർവരമ്പുകളിൽ നിന്ന് മുന്നോട്ടു പോകാനും ദുർഗ തീരുമാനിച്ചതിന്റെ ഫലമാണ് ഈ ഫോട്ടോഷൂട്ട്," ജിക്സൺ പറഞ്ഞു.
വിമാനം സിനിമയിലൂടെ നായികയായി അരങ്ങേറിയ ദുർഗയുടെ അവസാനം പുറത്തിറങ്ങിയ ചിത്രം ലവ് ആക്ഷൻ ഡ്രാമയാണ്. മോഹൻലാലിനൊപ്പം 'റാം' എന്ന ചിത്രത്തിലും താരം അഭിനയിച്ചിട്ടുണ്ട്.