ആരും അറിയാത്തൊരു ‘നടൻ’; മോഹൻ കുമാർ ഫാൻസ് ട്രെയിലർ
Mail This Article
വിജയ് സൂപ്പറും പൗര്ണ്ണമിയും എന്ന ഹിറ്റ് ചിത്രത്തിന് ശേഷം ജിസ് ജോയ് ഒരുക്കുന്ന പുതിയ ചിത്രമായ മോഹൻ കുമാര് ഫാൻസ് ട്രെയിലര് പുറത്തിറങ്ങി. കുഞ്ചാക്കോ ബോബനാണ് ചിത്രത്തിൽ നായകൻ. മലയാളത്തിൽ വീണ്ടും സിനിമയ്ക്കുള്ളിലെ സിനിമാക്കാരുടെ ജീവിതം പറയുന്നൊരു സിനിമയാണ് 'മോഹൻകുമാര് ഫാൻസ്'. പുതിയ നടന്മാരുടെ കുത്തൊഴുക്കിൽ കാലം മറന്നുപോയ ഒരു നടന്റെ ജീവിതം പറയുന്നതാണ് സിനിമയെന്ന് ട്രെയിലർ സൂചന നൽകുന്നുണ്ട്.
കുഞ്ചാക്കോ ബോബന് പുറമെ സിദ്ധിഖ്, ആസിഫ് അലി, കെപിഎസി ലളിത, ശ്രീനിവാസന്, മുകേഷ്, വിനയ് ഫോര്ട്ട്, രമേഷ് പിഷാരടി, കൃഷ്ണശങ്കര്, അലൻസിയര് തുടങ്ങി നിരവധി താരങ്ങള് സിനിമയിൽ അണിനിരക്കുന്നുണ്ട്. ആസിഫ് അലി അതിഥി വേഷത്തിൽ എത്തുന്നു. സൂപ്പർ ഹിറ്റ് സിനിമകളുടെ തിരക്കഥകളൊരുക്കി ശ്രദ്ധേയരായ ബോബി- സഞ്ജയ് ആണ് സിനിമയ്ക്ക് കഥ ഒരുക്കുന്നത്.
പുതുമുഖമായ അനാർക്കലിയാണ് നായിക. കെട്ട്യോളാണ് എന്റെ മാലാഖയ്ക്ക് ശേഷം മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫന് ആണ് ഈ ചിത്രം നിര്മിക്കുന്നത്.