‘കുടയല്ല വടി’: പൊട്ടിച്ചിരിച്ച് ജഗതി; വിഡിയോ

തെങ്ങോലൊരു ചുവട് കാ ഇല്ല, വളം മേടിച്ചു തരാനേ, 

എന്നാന്നാ കുടയോ ?

കുടയല്ല വടി !

സമൂഹമാധ്യമങ്ങളിലൂടെ വൈറലായി പ്രേക്ഷകരിൽ ചിരിപൊട്ടിച്ച വിഡിയോയിലെ ഡയലോഗ് ആണിത്. വയോധികരായ ദമ്പതികൾ വീട്ടിലെ ഉമ്മറത്തിരുന്ന് കുശലം പറയുന്നതും അമ്മൂമ്മയുടെ ഉഗ്രൻ മറുപടിയുമൊക്കെയാണ് വിഡിയോയുടെ ആകർഷണം.

ഇപ്പോഴിതാ ഈ അമ്മൂമ്മയുടെ പെർഫോമൻസ് മതിമറന്ന് ആസ്വദിക്കുന്ന ജഗതി ശ്രീകുമാറിന്റെ വിഡിയോ ആണ് പ്രേക്ഷകരുടെ ഇടയില്‍ വൈറൽ. മകൾ പാർവതിയാണ് ഫോണിലൂടെ ഈ വിഡിയോ ജഗതിക്കു കാണിച്ചുകൊടുക്കുന്നത്. വിഡിയോ കണ്ട് പൊട്ടിച്ചിരിക്കുകയാണ് മലയാളത്തിന്റെ സ്വന്തം ഹാസ്യസാമ്രാട്ട്.