1921 പുഴ മുതൽ പുഴ വരെ ട്രെയിലർ; അലി അക്ബറിനു വിമർശനം

അലി അക്ബർ സംവിധാനം ചെയ്യുന്ന 1921 പുഴ മുതൽ പുഴ വരെ എന്ന ചിത്രത്തിന്റെ ട്രെയിലർ റിലീസ് ചെയ്തു. നടന്‍ തലൈവാസല്‍ വിജയ് ആണ് ചിത്രത്തില്‍ വാരിയന്‍ കുന്നത്ത് കുഞ്ഞഹമ്മദ് ഹാജിയുടെ വേഷം അഭിനയിക്കുന്നത്. ജോയ് മാത്യു, ആർ.എൽ.വി. രാമകൃഷ്ണൻ എന്നിവരാണ് മറ്റ് പ്രധാന അഭിനേതാക്കൾ.

പൊതു ജനങ്ങളിൽ  നിന്നും പണം സ്വീകരിച്ച് അദ്ദേഹം സംവിധാനം ചെയ്യുന്ന ചിത്രമാണ് 1921 പുഴമുതൽ പുഴവരെ. ഇതുവരെ 1,17,42859 രൂപ പിരിച്ചു ലഭിച്ചെന്നും 30,76530 രൂപ ബാക്കിയുണ്ടെന്നും അദ്ദേഹം പറഞ്ഞിരുന്നു. സിനിമയുടെ ചിത്രീകരണം 60 ശതമാനം പൂർത്തിയായിട്ടുണ്ട്. വയനാട് ആണ് പ്രധാന ലൊക്കേഷൻ.

ചിത്രത്തിന്റെ ട്രെയിലറിനു നേരെ വിമർശനങ്ങളും ഉയരുന്നുണ്ട്. കൂടുതലും ഡിസ്‌ലൈക്സ് ആണ് ട്രെയിലറിനു ലഭിക്കുന്നത്. 70 ലക്ഷം മുടക്കിയ ചിത്രത്തിന്റെ മികവില്ലെന്നാണ് പ്രധാനവിമർശനം.