ഒരു കയ്യിൽ ഭല്ലാലദേവനെയും മറുകയ്യിൽ ബാഹുബലിയെയും കയ്യിലേന്തി ആണുങ്ങൾക്കു മുൻപിൽ സിംഹാസനത്തിൽ തല ഉയർത്തിയിരുന്ന ശിവകാമി, അധികാരം പിടിക്കാൻ കൊട്ടാരത്തിന്റെ ഇരുട്ടിൽ കാത്തു നിന്ന രാജ്യശത്രുക്കളെ അതിനേക്കാൾ മുൻപ് തിരിച്ചറിഞ്ഞു വകവരുത്തിയവർ, ‘‘ഇതാണെന്റ് കൽപന, ഇതാണു രാജശാസനവും’’ എന്ന വാക്കിൽ മഹിഷ്മതിയെ വിരൽതുമ്പിൽ നിർത്തിയ ശിവകാമി, പുത്രവാത്സല്യത്തേക്കാൾ രാജനീതിക്കു വില നൽകി സ്വന്തം ജീവൻ ബലിയർപ്പിച്ച ശിവകാമി… ബാഹുബലി സിനിമകളിൽ ബാഹുബലിയേക്കാൾ നിറഞ്ഞു നിന്ന രാജമാതാ ശിവാകാമിയുടെ ത്രസിപ്പിക്കുന്ന കൂടുതൽ കഥകൾക്കു വേണ്ടി കാത്തിരുന്ന ആരാധകർ പക്ഷേ നിരാശയിലാണ്.
