നടി നിക്കി ഗൽറാണിയും ആദിയും വിവാഹിതരായി
Mail This Article
തെന്നിന്ത്യൻ നടി നിക്കി ഗൽറാണിയും നടൻ ആദിയും വിവാഹിതരായി. നീണ്ട നാളത്തെ പ്രണയത്തിനു ശേഷമാണ് ഇരുവരും ഒരുമിക്കുന്നത്. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹ ചടങ്ങുകള്. മാർച്ച് 24നായിരുന്നു ഇവരുടെ വിവാഹ നിശ്ചയം.
വിവാഹത്തിന് മുന്നോടിയായുള്ള ആഘോഷച്ചടങ്ങുകള് നടിയുടെ വീട്ടില് നടന്നു. ചെന്നൈയിലെ ഒരു ഹോട്ടലില് വച്ചായിരുന്നു വിവാഹം.
തെലുങ്ക് സിനിമ സംവിധായകന് രവി രാജ പെനിസെട്ടിയുടെ മകന് ആദി 'ഒക്ക വി ചിത്തിരം' എന്ന സിനിമയിലൂടെയാണ് അഭിനയത്തിലേക്കെത്തുന്നത്. തമിഴ്, തെലുങ്ക് ഭാഷകളിൽ ആദി ഇപ്പോള് സജീവമാണ്.
തമിഴ്, തെലുങ്ക്, മലയാളം ഭാഷകളിൽ സജീവസാന്നിധ്യമാണ് നിക്കി ഗൽറാണി. നിവിൻ പോളിയുടെ ‘1983’ എന്ന സിനിമയിലൂടെയാണ് നിക്കി ഗൽറാണി മലയാളത്തിൽ തുടക്കം കുറിക്കുന്നത്. വെള്ളിമൂങ്ങ, ഓം ശാന്തി ഓശാന, രാജമ്മ അറ്റ് യാഹു, മര്യാദ രാമൻ, ഒരു സെക്കൻഡ് ക്ലാസ് യാത്ര തുടങ്ങിയ ചിത്രങ്ങളിലൂടെ മലയാളത്തിന്റെ പ്രിയ നായികയായി. മലയാളത്തിൽ ധമാക്ക എന്ന സിനിമയിലാണ് നിക്കി അവസാനമായി അഭിനയിച്ചത്.