ഉർവശി, സത്യരാജ്, ആർജെ ബാലാജി എന്നിവർ പ്രധാന കഥാപാത്രങ്ങളാകുന്ന കോമഡി ചിത്രം വീട്ട്ലാ വിശേഷം ട്രെയിലർ എത്തി. രാജ്കുമാർ റാവു നായകനായി എത്തിയ ബോളിവുഡ് ചിത്രം ബദായി ഹോയുടെ റീമേക്ക് ആണ് ഈ ചിത്രം.
ആർജെ ബാലാജി, എൻ.ജെ. ശരവണൻ എന്നിവരാണ് സംവിധാനം. അപർണ ബാലമുരളി, കെപിഎസി ലളിത, പവിത്ര ലോകേഷ് എന്നിവരാണ് മറ്റ് താരങ്ങൾ. സംഗീതം ഗിരീഷ് ഗോപാലകൃഷ്ണൻ. എഡിറ്റിങ് സെൽവ. ചിത്രം ജൂൺ 17ന് തിയറ്ററുകളിലെത്തും.
