സംവിധായകന്‍ ഒമര്‍ ലുലുവിന് പെണ്‍കുഞ്ഞ്
Mail This Article
സംവിധായകന്‍ ഒമര്‍ ലുലുവിന് പെണ്‍കുഞ്ഞ് പിറന്നു. സംവിധായകന്‍ തന്നെയാണ് സന്തോഷവാര്‍ത്ത സമൂഹമാധ്യമങ്ങളില്‍ പങ്കുവച്ചത്. ‘‘നല്ല സമയം. പെണ്‍കുഞ്ഞ്. സുഖപ്രസവം ഉമ്മയും മോളും സുഖമായിരിക്കുന്നു’’.–ഒമര്‍ കുറിച്ചു.
ഒമര്‍ ലുലു-റിന്‍ഷി ദമ്പതികളുടെ മൂന്നാമത്തെ കുഞ്ഞാണിത്. സൈജു കുറുപ്പ്, രമേശ് പിഷാരടി, നാദിർഷ ഉൾപ്പടെ നിരവധി പേരാണ് ഇരുവര്‍ക്കും ആശംസകളുമായി എത്തിയത്. ഇഷാൻ ഉൽ ഒമർ, ഐറിൻ ഒമർ എന്നിവരാണ് മറ്റ് രണ്ട് മക്കളുടെ പേര്.
2016ൽ ഹാപ്പി വെഡ്ഡിങ് എന്ന സിനിമയ്ക്ക് കഥ, തിരക്കഥ എന്നിവ രചിച്ച് സംവിധാനം ചെയ്തുകൊണ്ടാണ് ഒമർ ലുലു സിനിമയിൽ തുടക്കം കുറിക്കുന്നത്. സാമ്പത്തിക വിജയം നേടിയ ആ ചിത്രത്തിനുശേഷം ചങ്ക്‌സ്, ഒരു അഡാർ ലവ്, ധമാക്ക എന്നീ സിനിമകൾ സംവിധാനം ചെയ്തു. സിനിമകൾ കൂടാതെ മ്യൂസിക്ക് ആൽബങ്ങളും ഒമർ ലുലു ചെയ്തിട്ടുണ്ട്. ഇർഷാദ് നായകനാകുന്ന നല്ല സമയം എന്ന ചിത്രമാണ് ഒമറിന്റെ അടുത്ത പ്രോജക്ട്.
