ഉണ്ണി മുകുന്ദൻ നായകനായ ‘മേപ്പടിയാൻ’ സിനിമയുടെ സംവിധായകൻ വിഷ്ണു മോഹന്റെ വിവാഹനിശ്ചയം കഴിഞ്ഞു. അഭിരാമിയാണ് വധു. ബിജെപി േനതാവ് എ.എൻ. രാധാകൃഷ്ണന്റെ മകളാണ് അമ്മു എന്നു വിളിക്കുന്ന അഭിരാമി. എ.എൻ. രാധാകൃഷ്ണന്റെ വീട്ടിൽ വച്ചു നടന്ന ലളിതമായ ചടങ്ങില്‍ നടൻ ഉണ്ണി മുകുന്ദൻ, വിപിൻ, മേജർ രവി എന്നിവർ പങ്കെടുത്തു. സെപ്റ്റംബർ 3ന് ചേരാനല്ലൂർ വച്ചാണ് വിവാഹം.
കഴിഞ്ഞ വർഷം റിലീസ് ചെയ്ത ‘മേപ്പടിയാൻ’ സിനിമയുടെ തിരക്കഥാകൃത്തു കൂടിയാണ് വിഷ്ണു. ഉണ്ണി മുകുന്ദൻ തന്നെ നായകനായെത്തുന്ന ‘പപ്പ’യാണ് വിഷ്ണുവിന്റെ അടുത്ത പ്രോജക്ട്. മേപ്പടിയാനിൽ നിന്നും തികച്ചും വ്യത്യസ്തമായി രാഷ്ട്രീയ പശ്ചാത്തലത്തിലുള്ള സിനിമയാകും പപ്പ.
