ADVERTISEMENT

നടി പ്രിയങ്ക നായരുടെ സഹോദരി പ്രിയദ നായർ വിവാഹിതയായി. അജേഷ് ആണ് വരൻ. തിരുവനന്തപുരത്ത് വച്ച് നടന്ന വിവാഹച്ചടങ്ങിൽ അടുത്ത ബന്ധുക്കളും സിനിമാ രംഗത്തെ നിരവധിപ്പേരും പങ്കെടുത്തു. മൂത്ത ചേച്ചിയായ പ്രിയങ്കയായിരുന്നു വിവാഹച്ചടങ്ങുകൾക്കു മുന്നിൽ നിന്ന് എല്ലാം നോക്കി നടത്തിയത്. പ്രിയ സഹോദരിയെ കതിർമണ്ഡപത്തിലേക്ക് കൈപിടിച്ച് എത്തിക്കുമ്പോൾ പ്രിയങ്കയുടെ കണ്ണുനിറയുന്നുണ്ടായിരുന്നു.

 

തിരുവനന്തപുരം വാമനപുരം സ്വദേശിയാണ് പ്രിയങ്ക. അച്ഛൻ മുരളീധരൻ നായർ. അമ്മ പൊന്നമ്മ മുരളീധരൻ. ഏക സഹോദരിയാണ് പ്രിയദ.

 

ടെലിവിഷൻ സീരിയലുകളിലൂടെ അഭിനയ രംഗത്തെത്തിയ നടിയാണ് പ്രിയങ്ക. 2006 ൽ റിലീസ് ചെയ്ത തമിഴ് ചിത്രം വെയിലിലൂടെയാണ് വെള്ളിത്തിരയിലെത്തുന്നത്. 2007 ൽ കിച്ചാമണി എംബിഎ എന്ന സിനിമയിലൂടെ മലയാളത്തിലും അരങ്ങേറ്റം കുറിച്ചു.

 

ഇടക്കാലത്ത് അഭിനയരംഗത്തു നിന്നും വിട്ടുന്ന താരം കഴിഞ്ഞ വർഷം വലിയ തിരിച്ചുവരവ് നടത്തിയിരുന്നു. 2022 ൽ ആറ് സിനിമകളിലാണ് പ്രിയങ്ക അഭിനയിച്ചത്. അനൂപ് മേനോൻ നായകനായ ‘വരാൽ’ ആണ് അവസാനമായി തിയറ്ററുകളിലെത്തിയ ചിത്രം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com