ഡിസി കോമിക്സിന്റെ സമീപ കാലങ്ങളിലെ ഏറ്റവും വലിയ സർപ്രൈസ് ഹിറ്റുകളിൽ ഒരു ചിത്രമാണ് അക്വാമാൻ. വർഷങ്ങൾ പിന്നിടുമ്പോൾ പ്രേക്ഷകരെ ആവേശം കൊള്ളിച്ച ഈ ഹോളിവുഡ് ചിത്രത്തിന്റെ രണ്ടാം ഭാഗം ‘അക്വാമാൻ ആൻഡ് ദ ലോസ്റ്റ് കിങ്ഡം’ തിയേറ്ററുകളിലേക്ക് എത്തുകയാണ്. സിനിമയുടെ ഗംഭീര ട്രെയിലർ അണിയറ പ്രവർത്തകർ റിലീസ് ചെയ്തു. 

ജേസൺ മോമോവ അക്വാമാനായി എത്തുന്ന ജെയിംസ് വാനാണ് സംവിധാനം ചെയ്യുന്നത്. പാട്രിക് വില്‍സണ്‍, യഹ്യ അബ്ദുള്‍ മതീന്‍, നിക്കോള്‍ കിഡ്മാന്‍ തുടങ്ങിയവര്‍ ചിത്രത്തിലെ മറ്റു പ്രധാനകഥാപാത്രങ്ങളെ അവതരിപ്പിക്കുന്നു. ജോണി ഡെപ്പ് വിവാദത്തിൽ ഈ സിനിമയിൽ നിന്നും നീക്കം ചെയ്തെന്ന് റിപ്പോർട്ടുകളുണ്ടായിരുന്ന ആംബര്‍ ഹേര്‍ഡ്, മീരയായി അതേ വേഷത്തിലെത്തുന്നു.

ഡിസി സ്റ്റുഡിയോസ്, അറ്റോമിക് മോണ്‍സ്റ്റര്‍, വാര്‍ണര്‍ ബ്രോസ് എന്നിവയുടെ ബാനറില്‍ ജയിംസ് വാനും പീറ്റര്‍ സ്ഫ്വാനും ചേര്‍ന്നാണ് സിനിമ നിർമിക്കുന്നത്. 205 മില്യണ്‍ ഡോളറില്‍ ഒരുക്കിയ ചിത്രം ഡിസംബര്‍ 20 ന് ലോകവ്യാപകമായി റിലീസ് ചെയ്യും.