ടൈഗർ ഷ്റോഫിനെ നായകനാക്കി വികാസ് ബാൽ ഒരുക്കുന്ന സയൻസ് ഫിക്‌ഷൻ ചിത്രം ഗണപത് ടീസർ എത്തി. 2070 ഭാവിയിൽ ലോകത്തു നടക്കുന്ന സംഭവങ്ങളാണ് സിനിമയുെട പ്രമേയം. ക്രിതി സനോൺ നായികയാകുന്നു. അമിതാഭ് ബച്ചനാണ് മറ്റൊരു പ്രധാന വേഷത്തിലെത്തുന്നത്.

മലയാളി നടൻ റഹ്മാൻ ഈ സിനിമയിലൂടെ ഹിന്ദിയിൽ അരങ്ങേറ്റം കുറിക്കുന്നു. നടി ശ്രുതി മേനോനും സിനിമയുടെ ഭാഗമാണ്. ജമീല്‍ ഖാൻ, സിയാദ് ബക്രി, ഗിരിഷ് കുൽക്കർണി എന്നിവരാണ് മറ്റ് താരങ്ങൾ.

200 കോടിയാണ് ബജറ്റ്. പാൻ ഇന്ത്യൻ റിലീസായി അഞ്ച് ഭാഷകളിൽ പ്രദർശനത്തിനെത്തും. ഒക്ടോബർ 20നാണ് റിലീസ്.