ആസ്വാദക മനം കവർന്ന ആട്ടത്തിന്റെ പുനർപ്രദർശനം ചൊവ്വാഴ്ച

മേളയിൽ പ്രേക്ഷക പ്രശംസ നേടിയ ആനന്ദ് ഏകർഷിയുടെ ആദ്യ ഫീച്ചർ ഫിലിം ആട്ടം ചൊവ്വാഴ്ച വീണ്ടും പ്രദർശിപ്പിക്കും. കലാഭവനിൽ 3.15 നാണ് പ്രദർശനം. 12 യുവാക്കളും ഒരു യുവതിയും ഉൾപ്പെടുന്ന അരങ്ങ് എന്ന തിയേറ്റർ ഗ്രൂപ്പിന്റെ പശ്ചാത്തലത്തിൽ മനസുകളുടെ കാപട്യം വെളിപ്പെടുത്തുന്ന ചിത്രമാണ് ആട്ടം. 

വിനയ് ഫോര്‍ട്ട്, സെറിന്‍ ശിഹാബ്, കലാഭവന്‍ ഷാജോണ്‍, നന്ദന്‍ ഉണ്ണി തുടങ്ങിയവരാണ് ചിത്രത്തിലെ പ്രധാന കഥാ പാത്രങ്ങളെ അവതരിപ്പിക്കുന്നത്. 

ഐഎഫ്എഫ്ഐയിൽ ഇന്ത്യൻ പനോരമയിലെ ഉദ്ഘാടന ചിത്രമായിരുന്ന ആട്ടത്തിന്  ലോസാഞ്ചൽസിലെ ഇന്ത്യൻ ഫിലിം ഫെസ്റ്റിവലിൽ മികച്ച ചിത്രത്തിനുള്ള ഗ്രാൻഡ് ജൂറി അവാർഡ്  ലഭിച്ചിട്ടുണ്ട്.