അറയ്ക്കൽ മാധവനുണ്ണിക്കൊപ്പം പിണക്കം തീർത്ത് നെടുങ്ങാടിയും ശിവരാമനും; ‘കുടുംബ ഫോട്ടോ’ വൈറൽ

മനോജ് കെ. ജയൻ സമൂഹമാധ്യമങ്ങളിൽ പങ്കുവച്ച ‘വല്ല്യേട്ടൻ’ കുടുംബ ഫോട്ടോ ശ്രദ്ധേയമാകുന്നു. അറയ്ക്കൽ മാധവനുണ്ണിയുടെ കുടുംബത്തിനൊപ്പം ശത്രുക്കളായ പട്ടേരി ശിവരാമൻ നായരെയും നെടുങ്ങാടിയെയും ചിത്രത്തിൽ കാണാം.

‘ഇവർ തമ്മിലുളള ശത്രുത തീർന്നോ’, ‘നെടുങ്ങാടിക്ക് എന്താ ഒരു പരുങ്ങൽ’, ‘മാധവനുണ്ണി ആരെയാണ് ഫോൺ വിളിക്കുന്നത്’ എന്നിങ്ങനെ രസകരമായ കമന്റുകളാണ് ചിത്രത്തിനു ലഭിക്കുന്നത്.

അതേസമയം റിറിലീസ് ചെയ്ത് കേരളത്തിലെ തിയറ്ററുകളിലെത്തിയ വല്ല്യേട്ടന്‍ മികച്ച അഭിപ്രായം നേടി മുന്നേറുകയാണ്. അമ്പലക്കര ഫിലിംസ് ആണ് ചിത്രം റിറിലീസിനെത്തിച്ചിരിക്കുന്നത്.