മഹാകുംഭമേളയിലെത്തി പുണ്യസ്നാനം ചെയ്ത് നടി കസ്തൂരി

മഹാകുംഭമേളയിൽ പങ്കെടുത്ത് തെന്നിന്ത്യൻ നടി കസ്തൂരി ശങ്കർ. മകനൊപ്പമാണ് കസ്തൂരി പ്രയാഗ്‌രാജിലെത്തിയത്. ത്രിവേണി സംഗമത്തിൽ പുണ്യ സ്നാനം ചെയ്യുന്ന താരത്തിന്റെ ചിത്രങ്ങളും പുറത്തുവന്നിട്ടുണ്ട്.

മലയാളത്തിൽ നിന്നും ജയസൂര്യ, സംയുക്ത മേനോൻ തുടങ്ങിയവരും കുംഭമേളയിൽ പങ്കെടുത്ത് പുണ്യ സ്നാനം ചെയ്തിരുന്നു. കുടുംബത്തിനൊപ്പമായിരുന്നു ജയസൂര്യ കുംഭമേളയിൽ എത്തിയത്. 

നിരവധി താരങ്ങളാണ് കുംഭമേളയിൽ പങ്കെടുത്ത് ത്രിവേണി സം​ഗമത്തിൽ പുണ്യ സ്നാനം ചെയ്യുന്നത്.  ഉത്തര്‍പ്രദേശിലെ പ്രയാഗ് രാജിലാണ് കുംഭമേള സംഘടിപ്പിക്കുന്നത്.

2025 ജനുവരി 13-ന് ആരംഭിച്ച കുംഭമേള ഫെബ്രുവരി 26ന് അവസാനിക്കും.