‘മച്ചാന്റെ മാലാഖ’യ്‌ക്കൊപ്പം മീനാക്ഷി ദിലീപ്; ചിത്രങ്ങൾ

കൂട്ടുകാരി മീനാക്ഷി ദിലീപിനൊപ്പമുള്ള ചിത്രങ്ങൾ പങ്കുവച്ച് നമിത പ്രമോദ്. ‘പൈങ്കിളി’ എന്ന അടിക്കുറിപ്പോടെയാണ് ചിത്രങ്ങൾ നമിത പങ്കുവച്ചത്. മീനാക്ഷി ദിലീപ് പകർത്തിയ തന്റെ ചിത്രങ്ങളും നമിതയുടെ പോസ്റ്റിൽ കാണാം.

മീനാക്ഷി ദിലീപ് എന്ന മീനൂട്ടിയുടെ അടുത്ത സുഹൃത്താണ് നടി നമിതാ പ്രമോദ്.  മീനൂട്ടി കുഞ്ഞായിരുന്നപ്പോൾ മുതൽ തുടങ്ങിയ സൗഹൃദമാണ് ഇരുവരുടെയും.  ഇരുവരും തമ്മിലുള്ള സൗഹൃദ നിമിഷങ്ങൾ മീനാക്ഷി ഇടയ്ക്കിടെ പങ്കുവയ്ക്കാറുണ്ട്. 

ദിലീപിന്റെ കുടുംബവുമായി അടുത്ത ബന്ധമുള്ള വ്യക്തിയാണ് നമിതാ പ്രമോദ്. ‘ചന്ദ്രേട്ടൻ എവിടെയാ’ എന്ന സിനിമയിൽ നമിത ദിലീപിന്റെ നായികയായി വേഷമിട്ടിരുന്നു.  മീനാക്ഷിയും നമിതയും തമ്മിലുള്ള അടുപ്പം പ്രശസ്തമാണ്. സൗബിൻ സാഹിറിനൊപ്പം അഭിനയിച്ച ‘മച്ചാന്റെ മാലാഖ’ ആണ് നമിത പ്രമോദിന്റെ ഏറ്റവും പുതിയ ചിത്രം.