സംവിധായകൻ അമൽനീരദും ഭാര്യയും നടിയുമായ ജ്യോതിർമയിയും സഞ്ചരിച്ച കാർ അപകടത്തിൽപെട്ടു. ദേശീയപാതയിൽ കുഞ്ഞിപ്പള്ളിയിൽ സ്വകാര്യബസുമായി കാർ കൂട്ടിയിടിക്കുകയായിരുന്നു. സംഭവത്തിൽ ആർക്കും പരുക്കില്ല. എന്നാൽ സംഭവം അറിഞ്ഞ് നാട്ടുകാർ ഓടിക്കൂടിയതോടെ റോഡ് ഗതാഗതം തടസ്സപ്പെട്ടു. പിന്നീട് പൊലീസ് ഇരുവരെയും സ്റ്റേഷനിൽ എത്തിക്കുകയായിരുന്നു.
അപകടത്തിൽപെട്ട ബസ് ഡ്രൈവർക്കെതിരെ പൊലീസ് കേസെടുത്തിട്ടുണ്ട്. അപകടം സംഭവിച്ച വാഹനം ഒഴിവാക്കി അമൽ നീരദും ജ്യോതിർമയിയും മറ്റൊരു വാഹനത്തിൽ എറണാകുളത്തേക്ക് തിരികെ പോകുകയായിരുന്നു. ഈ വർഷം ഏപ്രിലിലാണ് താരദമ്പതികൾ വിവാഹിതരായത്.