ആൻഡ് ദി വിന്നർ ഈസ്....മൈ പൊണ്ടാട്ടി. ജോയെ വേദിയിലേക്ക് സൂര്യ ഇങ്ങനെ ക്ഷണിച്ചപ്പോൾ ആരവം അതിരുകടന്നു. ഭർ‌ത്താവ് തന്നെ ഭാര്യയ്ക്ക് മികച്ച നടിയ്ക്കുള്ള പുരസ്കാരം സമ്മാനിക്കുന്ന അപൂർവ്വതയ്ക്കും പിന്നെ സൂര്യയുടെ ഈ കിടിലൻ അനൗൺസ്മെന്റിനും സാക്ഷിയാകാനായി ഫിലിം ഫെയർ പുരസ്കാരത്തിനെത്തിയവർക്ക്.
കറുപ്പ് വസ്ത്രമണി‍ഞ്ഞെത്തിയ ഇരുവരും വർത്തമാനം കൊണ്ടും ഭംഗികൊണ്ടും വേദിയേയും സദസിനേയും കയ്യിലെടുത്തു. 36 വയതിനിലെ എന്ന ചിത്രത്തിലെ അഭിനയത്തിനാണ് തമിഴിലെ മികച്ച നടിക്കുള്ള ക്രിട്ടിക്സ് ജൂറി പുരസ്കാരമാണ് ജ്യോതികയ്ക്ക് ലഭിച്ചത്.
വിവാഹവും പിന്നെ അമ്മയുടെ റോളും ഗംഭീരമാക്കിയതിനു ശേഷമാണ് ജ്യോതിക വീണ്ടും സിനിമയിലെത്തിയത് ഈ ചിത്രത്തിലൂടെയാണ്. അതിനു തന്നെ ഫിലിം ഫെയർ പുരസ്കാരം നേടാനുമായി ജ്യോതികയ്ക്ക്. ആ പുരസ്കാരം സൂര്യയിൽ നിന്നേറ്റുവാങ്ങാനുള്ള ഭാഗ്യവുമുണ്ടായി. സിനിമയ്ക്കകത്തും പുറത്തും ഈ നടൻ അന്നും ഇന്നും ഇവർ രണ്ടു പേരും എല്ലാവർക്കും പ്രിയപ്പെട്ടവരാണ്. 2006ലായിരുന്നു സൂര്യയും ജ്യോതികയും തമ്മിലുള്ള വിവാഹം.
