Manoramaonline.com no longer supports Internet Explorer 8 or earlier. Please upgrade your browser.  Learn more »

ദിലീപിന്റെ നായികയായി അനു സിത്താര

dileep-anu-sithara

മലയാളത്തിലെ ശ്രദ്ധേയായ യുവനടിയാണ് അനു സിത്താര. മമ്മൂട്ടി അടക്കമുള്ള സൂപ്പർതാരങ്ങളുടെ നായികയായി അഭിനയിച്ച നടി ഇനി ദിലീപിന്റെ നായിക. നിരൂപക പ്രശംസനേടിയ അയാൾ ജീവിച്ചിരുപ്പുണ്ട്‌ എന്ന ചിത്രത്തിനുശേഷം വ്യാസൻ കെ.പി (വ്യാസൻ എടവനക്കാട്‌) രചനയും സംവിധാനവും നിർവഹിക്കുന്ന പുതിയ ചിത്രത്തിലാണ് അനു സിത്താര നായികയാകുന്നത്.

സിനിമയിൽ രണ്ട് ഗെറ്റപ്പുകളിലാണ് നടി പ്രത്യക്ഷപ്പെടുന്നത്. അനുവിന്റെ അഭിനയജീവിതത്തിലെ മികച്ച കഥാപാത്രമാകും ചിത്രത്തിലേതെന്നാണ് സൂചന.

സിനിമയുടെ ചിത്രീകരണം മാർച്ചിൽ ചിത്രീകരണം ആരംഭിക്കും. ദിലീപിനൊപ്പം സിദ്ദിഖ് പ്രധാന വേഷത്തിലെത്തുന്നു. ചിത്രത്തിന്റെ മറ്റു താരനിർണയം നടന്നു വരികയാണ്.

ഒരു സംഭവകഥയെ ആധാരമാക്കിയാണു ഈ ചിത്രം ഒരുങ്ങുന്നത്‌. ഇതു വരെ സിനിമകളിൽ പറയാത്ത പ്രമേയമാണിതെന്നാണ് അണിയറക്കാർ തരുന്ന സൂചന. ദിലീപിന്റെയും,സിദ്ദിഖിന്റെയും അഭിനയ ജീവിതത്തിലെ വഴിത്തിരിവാകും ഈ കഥാപാത്രങ്ങളെന്നും അണിയറക്കാർ പറയുന്നു.

എഴുത്തുകാരനായും സംവിധായകനായും നിർമാതാവായും മലയാള സിനിമയിൽ‌ സാന്നിധ്യമറിയിച്ചിട്ടുള്ള വ്യാസന്റെ കഴിഞ്ഞ ചിത്രമായ അയാൾ ജീവിച്ചിരുപ്പുണ്ട്‌ ഏറെ പുരസ്കാരങ്ങൾ വാരിക്കൂട്ടിയ സിനിമയാണ്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.