എട്ടു വർഷത്തെ ഇടവേളയ്ക്കു ശേഷം മലയാളത്തിന്റെ വിശ്വോത്തര ചലച്ചിത്രകാരൻ അടൂര് ഗോപാലകൃഷ്ണൻ സംവിധാനം ചെയ്യുന്ന ചിത്രമാണ് പിന്നെയും. സിനിമയുടെ ട്രെയിലർ പുറത്തിറങ്ങി. മനോരമ ഓൺലൈനിലൂടെയാണ് ട്രെയിലർ ഔദ്യോഗികമായി പുറത്തിറങ്ങിയത്. അഞ്ചു വർഷത്തിനു ശേഷം ദിലീപും കാവ്യാ മാധവനും പ്രധാന വേഷത്തിലെത്തുന്നു എന്ന പ്രത്യേകത കൂടി ചിത്രത്തിനുണ്ട്.
Pinneyum Trailer
പുരുഷോത്തമൻ നായർ എന്ന കഥാപാത്രത്തെയാണ് ദിലീപ് അവതരിപ്പിക്കുന്നത്. നെടുമുടി വേണു, വിജയരാഘവൻ, ബേബി അക്ഷര, കെപിഎസി ലളിത, ഇന്ദ്രൻസ് തുടങ്ങിയവരും സിനിമയിൽ പ്രധാന വേഷങ്ങളിലെത്തുന്നു.
കുടുംബജീവിതവും പ്രണയവും പ്രമേയമാകുന്ന ചിത്രത്തിനായി ചലച്ചിത്ര പ്രേമികൾ കാത്തിരിക്കുകയാണ്. ചിത്രം ഒാഗസ്റ്റ് 18–നു ചിത്രം തിയറ്ററുകളിലെത്തും.