ആര്യയും സന്താനവും പ്രധാന വേഷങ്ങളിലെത്തുന്ന ചിത്രം വിഎസ്ഒപി (വാസുവും ശരവണനും ഒന്നാ പഠിച്ചവങ്ക) ട്രെയിലര് പുറത്തിറങ്ങി. തമന്നയാണ് നായിക.
ആര്യയുടെ 25-ാമത്തെ ചിത്രമാണ് വാസുവും ശരവണനും ഒന്നാ പഠിച്ചവങ്ക. ആര്യയേയും സന്താനത്തേയും കൂടാതെ ഭാനു, കരുണാകരൻ, വിധുൽലേഖ രാമൻ, സിദ്ധാർഥ് വിപിൻ, രേണുക, ബൃന്ദ ദാസ് തുടങ്ങിവരും ചിത്രത്തിൽ അഭിനയിക്കുന്നുണ്ട്.
Vasuvum Saravananum Onna Padichavanga
വിശാൽ അതിഥി താരമായി ചിത്രത്തിൽ എത്തുന്നു. ഓൾ ഇൻ ഓൾ അഴകുരാജ, ഒരു കൽ ഒരു കണ്ണാടി, ബോസ് എങ്കിറ ഭാസ്കരൻ, ശിവ മനസില് ശക്തി തുടങ്ങിയ ചിത്രങ്ങളുടെ സംവിധായകൻ എം രാജേഷ് സംവിധാനം ചെയ്യുന്ന അഞ്ചാമത്തെ ചിത്രമാണ് വാസുവും ശരവണനും ഒന്നാ പഠിച്ചവങ്ക.
എം രാജേഷ് തന്നെയാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ദ ഷോ പീപ്പിൾ, പിവിപി സിനിമ എന്നിവയുടെ ബാനറിൽ ആര്യയും പ്രസാദ് വി പോട്ലൂരിയും ചേർന്ന് നിർമ്മിക്കുന്ന ചിത്രം ആഗസ്റ്റ് 14 ന് തീയേറ്ററിലെത്തും.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.