ലക്കി ഭാസ്കർ, ഹെർ, ബ്രദർ; ഈ ആഴ്ചയിലെ ഒടിടി റിലീസുകൾ

നവംബർ അവസാന വാരം നിരവധി സിനിമകളാണ് ഒടിടി റിലീസിനെത്തിയിരിക്കുന്നത്. മലയാള ചിത്രം ‘ഹെർ’, ദുൽഖർ സൽമാന്റെ ഹിറ്റ് ചിത്രം ലക്കി ഭാസ്കര്‍, തെലുങ്ക് വെബ് സീരിസ് ശ്‌ശ്‌ശ്.. എന്നിവയാണ് ഈ ആഴ്ച സ്ട്രീമിങ് ആരംഭിച്ച സിനിമകളും വെബ് സീരിസും.

ഹെർ: മനോരമ മാക്സ്: നവംബർ 29

ഉര്‍വശി, പാര്‍വതി തിരുവോത്ത്, ഐശ്വര്യ രാജേഷ്, രമ്യ നമ്പീശന്‍, ലിജോമോൾ ജോസ് എന്നിവർ പ്രധാന കഥാപാത്രങ്ങളാവുന്ന ഹെർ ഒടിടിയിലേക്ക്. ഫ്രൈഡേ, ലോ പോയിന്‍റ് എന്നീ സിനിമകൾക്കു ശേഷം ലിജിൻ ജോസ് സംവിധാനം ചെയ്യുന്ന ചിത്രമാണ് ഹെര്‍. അഞ്ച് സ്ത്രീകളുടെ ജീവിതത്തില്‍ നടക്കുന്ന സംഭവങ്ങളാണ് ഹെർ  പറയുന്നത്. രാജേഷ് മാധവന്‍, ഗുരു സോമസുന്ദരം, പ്രതാപ് പോത്തന്‍ എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ. പ്രതാപ് പോത്തന്‍ അവസാനം അഭിനയിച്ച ചിത്രമെന്ന പ്രത്യേകതയും ഈ ചിത്രത്തിനുണ്ട്.

ബ്രദർ: സീ ഫൈവ്: നവംബർ 29

ജയം രവിയെ നായകനാക്കി എം.രാജേഷ് സംവിധാനം ചെയ്ത ചിത്രം. ദീപാവലി റിലീസായി തിയറ്ററുകളിലെത്തിയ സിനിമ ബോക്സ്ഓഫിസിൽ പരാജമായിരുന്നു.

ശ്‌ശ്‌ശ്: ആഹാ: നവംബർ 29

സോണിയ അഗർവാൾ, ഐശ്വര്യ ദത്ത, ഇനിയ, ശ്രീകാന്ത് എന്നിവർ പ്രധാന കഥാപാത്രങ്ങളാകുന്ന വെബ് സീരിസ്. പൃഥ്വി ആദിത്യ, വാലി മോഹൻ, ഹരീഷ്, കാർത്തികേയൻ എന്നിവരാണ് സംവിധാനം.

ലക്കി ഭാസ്കർ: നെറ്റ്ഫ്ലിക്സ്: നവംബർ 28

ദുൽഖർ സൽമാന്റെ തെലുങ്ക് ബ്ലോക്ബസ്റ്റർ ചിത്രം. വെങ്കി അറ്റ്‌ലൂരിയാണ് സംവിധാനം. മൃണാൽ ഠാക്കൂറിനൊപ്പം ദുൽഖറും അഭിനയിച്ച ഹനു രാഘവപുഡി ചിത്രമായ ‘സീതാ രാമം’ എന്ന സൂപ്പർഹിറ്റിന് ശേഷം ദുൽഖർ സൽമാന്റെ തെലുങ്ക് സിനിമയിലേക്കുള്ള തിരിച്ചുവരവാണ് ഈ ചിത്രം.

ഇടിയൻ ചന്തു: ആമസോൺ പ്രൈം: നവംബർ 24

വിഷ്ണു ഉണ്ണികൃഷ്ണൻ നായകനായി എത്തിയ ഇടിയൻ ചന്തു ആമസോൺ പ്രൈമിൽ സ്ട്രീമിങ് ആരംഭിച്ചു. വില്ലനായെത്തി ചന്തു സലിംകുമാർ ഞെട്ടിച്ച ചിത്രം സംവിധാനം ചെയ്തത് ശ്രീജിത്ത് വിജയൻ ആണ്. രചനയും ശ്രീജിത്തിന്റേത് തന്നെ. ലാലു അലക്സ്, ജോണി ആന്‍റണി, ലെന, ഐ.എം.വിജയൻ, രമേശ് പിഷാരടി, ശ്രീജിത്ത് രവി, ഐ എം വിജയൻ, ബിജു സോപാനം, സ്മിനു സിജോ, ഗായത്രി അരുൺ, ജയശ്രീ,വിദ്യ, ഗോപി കൃഷ്ണൻ, ദിനേശ് പ്രഭാകർ, കിച്ചു ടെല്ലസ്, സോഹൻ സീനുലാൽ, സൂരജ്, കാർത്തിക്ക്, ഫുക്രു തുടങ്ങി വലിയൊരു താര നിര തന്നെ സിനിമയിലുണ്ട്.

തെക്ക് വടക്ക്: മനോരമ മാക്സ്: നവംബര്‍ 23

വിനായകൻ, സുരാജ് വെഞ്ഞാറമ്മൂട് എന്നിവരെ പ്രധാനകഥാപാത്രങ്ങളാക്കി പ്രേം ശങ്കർ സംവിധാനം ചെയ്ത ചിത്രമാണ് 'തെക്ക് വടക്ക്.' മധ്യവയസ്ക്കരായ കഥാപാത്രങ്ങളായാണ് വിനായകനും സുരാജും ചിത്രത്തിലെത്തിയത്. മനോരമ മാക്സിലൂടെ സിനിമയുടെ സ്ട്രീമിങ് ആരംഭിച്ചിട്ടുണ്ട്. സിംപ്ലീ സൗത്തിലൂടെ ചിത്രം ഇന്ത്യക്ക് പുറത്തുള്ള രാജ്യങ്ങളിൽ ഒടിടിയിൽ കാണാം.

ബഗീര: നെറ്റ്ഫ്ലിക്സ്: നവംബർ 22

റോറിങ് സ്റ്റാർ ശ്രീമുരളിയെ നായകനാക്കി ഹോംബാലെ ഫിലിംസ് നിര്‍മിച്ച ബിഗ് ബജറ്റ് ചിത്രം. ഡോ. സൂരി സംവിധാനം ചെയ്യുന്ന ബഗീരയിൽ, പ്രധാന വേഷത്തിൽ പ്രകാശ് രാജും, രുക്മിണി വസന്തും ഉൾപ്പെടുന്ന താര നിര അണിനിരക്കുന്നുണ്ട്. അജ്‌നീഷാണ് ചിത്രത്തിന്റെ സംഗീത സംവിധായകൻ. 

മാർട്ടിൻ: ആഹാ: നവംബർ 19

ധ്രുവ് സർജ നായകനായി എത്തിയ പാൻ ഇന്ത്യ ചിത്രം. വലിയ മുതൽമുടക്കിലെത്തിയ സിനിമ ബോക്സ്ഓഫിസിൽ ബോംബ് ആയി മാറി. ശ്രദ്ധേയ നടനായ അര്‍ജുൻ സർജ കഥയെഴുതിയിരിക്കുന്ന ചിത്രം വാസവി എന്‍റര്‍പ്രൈസിന്‍റെ ബാനറിൽ ഉദയ് കെ മെഹ്തയാണ് നിർമിച്ചിരിക്കുന്നത്. എ.പി. അർജുൻ ആണ് സംവിധാനവും തിരക്കഥയും.

സമാധാന പുസ്തകം: സൈന പ്ലേ: നവംബർ 10

സിജു വിൽസണും മാത്യു തോമസും അഭിനയിച്ച കോമഡി ഡ്രാമ. സിഗ്മ സ്റ്റോറീസിന്റെ ബാനറിൽ നിസാർ മംഗലശ്ശേരി നിർമ്മിക്കുന്ന ഈ ചിത്രത്തിൽ പുതുമുഖ താരങ്ങൾക്കൊപ്പം സിജു വിൽസണ്‍, ജെയിംസ് ഏലിയ, മാത്യു തോമസ്, മേഘനാഥൻ, വി കെ ശ്രീരാമൻ, പ്രമോദ് വെളിയനാട്, ദിലീപ് മേനോൻ, ലിയോണ ലിഷോയ്, വീണ നായർ തുടങ്ങിയ പ്രമുഖരും അഭിനയിക്കുന്നു. ജോ ആൻഡ് ജോ, 18 പ്ലസ് എന്നീ ചിത്രങ്ങളുടെ കോ റൈറ്റർ ആയ രവീഷ് നാഥാണ് ഈ ചിത്രത്തിന്റെ സംവിധായകൻ. 

ഏലിയൻ റോമുലസ്: ഹോട്ട്സ്റ്റാർ: നവംബർ 22

ഏലിയൻ ഫ്രാഞ്ചൈസിയിലെ ഏഴാമത്തെ ചിത്രം. ഫെഡെ അൽവാരസ് സംവിധാനം ചെയ്ത ചിത്രം ബോക്സ്ഓഫിസിലും മികച്ച വിജയം കരസ്ഥമാക്കിയിരുന്നു. കെയ്‌ലി സ്െപയ്നിയാണ് നായിക.