ആള്‍ ലൈറ്റ്‌സ് ചലച്ചിത്രമേള ; മികച്ച മലയാള ചിത്രങ്ങള്‍ക്ക് അപേക്ഷിക്കാം

എറണാകുളം : അഞ്ചാമത് ആള്‍ ലൈറ്റ്‌സ് ഇന്ത്യ ഇന്റര്‍നാഷണല്‍ ചലച്ചിത്രമേളയില്‍ ' സെലിബ്രേറ്റ് മലയാളം സിനിമ ' വിഭാഗത്തിലേക്ക് എന്‍ട്രികള്‍ ക്ഷണിച്ചു. ഫീച്ചര്‍ ഫിലിം, ഷോര്‍ട്ട് ഫിലിം വിഭാഗങ്ങളില്‍പ്പെട്ട സിനിമകള്‍ക്ക് ചലച്ചിത്രമേളയുടെ ഭാഗമാകാം. ആഗസ്റ്റ് 31 വരെ എന്‍ട്രികള്‍ സ്വീകരിക്കും. 

ചുരുങ്ങിയത് 5 മിനിട്ട് മുതല്‍ 30 മിനിട്ട് വരെയാണ് ഷോര്‍ട്ട്ഫിലിമുകള്‍ക്ക് നിശ്ചയിച്ചിരിക്കുന്ന സമയദൈര്‍ഘ്യം. ഫീച്ചര്‍ഫിലിമുകള്‍ക്ക് 60 മിനിട്ടില്‍ കൂടുതല്‍ ദൈര്‍ഘ്യമുണ്ടായിരിക്കണം. 2018 ജനുവരിക്കും, 2019 ആഗസ്റ്റിനും മധ്യേ പുറത്തിറങ്ങിയ ചിത്രങ്ങള്‍ക്കു മാത്രമേ അപേക്ഷിക്കാനാകൂ. എന്‍ട്രികള്‍ തികച്ചും സൗജന്യമായിരിക്കും. 

കൂടുതല്‍ വിവരങ്ങള്‍ക്ക് 9539967373

Email : submissions@indywood.co.in