ജീവിച്ചിരിക്കുന്നവരുടെ ‘പരേതൻ’
Mail This Article
മനുഷ്യ ജീവിതത്തെ വ്യത്യസ്തമായ രീതിയിൽ അവതരിപ്പിക്കുന്ന ഹ്രസ്വചിത്രം ‘പരേതൻ’ ശ്രദ്ധനേടുന്നു. ദിജീഷ് കോട്ടായി കഥയും സംവിധാനവും നിർവഹിച്ചിരിക്കുന്ന ഹ്രസ്വ ചിത്രത്തിൽ പൂർത്തീകരിക്കാത്ത നിരവധി ആഗ്രഹങ്ങളുടെ പിന്നാലെ ഓടി മണ്ണടിയുന്ന മനുഷ്യന്റെ ജീവിതം തുറന്നു കാണിക്കുന്നു. ആഗ്രഹങ്ങളുടെ പിറകെ ഓടിത്തളർന്ന് മുന്നോട്ടു പോവുന്ന കുറേജഡങ്ങൾ മാത്രമല്ലേ ഇക്കാണുന്നതൊക്കെയും? എന്ന ചോദ്യം ഈ ഹ്രസ്വചിത്രം മുന്നോട്ടുവയ്ക്കുന്നു.
ജീവിത യാത്രയ്ക്കൊടുവിൽ കുറേ ബാധ്യതകളും അവഗണനകളും മാത്രം ബാക്കി വെച്ച് മരണത്തിലേക്ക് നടന്നടുക്കുന്ന ശരാശരി മനുഷ്യൻ. എന്നാൽ, മരണം അവസാനമല്ല മറിച്ച് ഒരു തുടർച്ചയാണ് എന്നാണ് ചിത്രം പറയുന്നത്. സഫലീകരിക്കാനാവാത്ത മോഹങ്ങളെയും മനുഷ്യബന്ധങ്ങളെയും യാഥാർഥ്യങ്ങളെയും പിന്തുടരുന്ന ഒരു പ്രക്രിയ. നീൽഗംഗൻ എന്റർടൈമെന്റ്സിന്റെ ബാനറിൽ ഒരുക്കിയിരിക്കുന്ന ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് നിധിൻ തച്ചാട്ട് ആണ്. ബിജിഎം: ശ്രീജിത് റാം, എഡിറ്റിങ്: കെ.ആർ. രാമശർമ്മൻ.