പെൺകുട്ടിയുടെ പ്രതിരോധം: പെൻസിൽ ബോക്സ് ‌കാണാം

രാജേഷ് മോഹൻ രചനയും സംവിധാനവും നിർവഹിച്ച പെൻസിൽ ബോക്സ് എന്ന ഹ്രസ്വചിത്രം ശ്രദ്ധേയമാകുന്നു. വെള്ളിമൂങ്ങ എന്ന സിനിമയുടെ തിരക്കഥാകൃത്തായ ജോജി തോമസും രാജേഷും ചേർന്ന് നിർമിച്ചിരിക്കുന്ന ഇൗ ചിത്രം ഒരു പെൺകുട്ടിയുടെ പ്രതിരോധത്തിന്റെ കഥയാണ് പറയുന്നത്. 

തന്നെ ലൈംഗികമായി പീഡിപ്പിക്കാൻ ശ്രമിക്കുന്ന രണ്ട് പേരിൽ നിന്ന് സ്വയം പ്രതിരോധം തീർക്കുന്ന ഒരു പെൺകുട്ടിയാണ് ചിത്രത്തിലെ പ്രധാന കഥാപാത്രം. സംഭാഷണങ്ങളില്ല എന്നത് ഇൗ ഹ്രസ്വചിത്രത്തിന്റെ പ്രത്യേകതയാണ്. സംഗീതം മിറാജ് ഖാലിദും എഡിറ്റിങ് ജുനൈദും നിർവഹിച്ചിരിക്കുന്നു. ക്യാമറ, അജയ് ഫ്രാൻസിസ് ജോർജ്. ബാലതാരം ആഞ്ജലീന അബ്രാഹമാണ് പ്രധാന വേഷം ചെയ്തിരിക്കുന്നത്.