ഒരു പ്രവാസിയുടെ വീർപ്പുമുട്ടൽ; ‘അകലം’ ഹ്രസ്വചിത്രം

കൊറോണ രോഗവ്യാപനത്തിന്റെ പശ്ചാത്തലത്തിലെ സാമൂഹ്യ ദുരിതങ്ങൾ പ്രമേയമാകുന്ന ‘അകലം’ എന്ന ഹ്രസ്വചിത്രം പ്രേക്ഷകർക്കു മുന്നിലെത്തി. എറണാകുളം ജില്ലാ പഞ്ചായത്ത് അംഗം എൻ. അരുൺ സംവിധാനം ചെയ്ത  ചിത്രത്തിന്റെ കഥ സംവിധായകനും പ്രൊഫ. പാർവതിചന്ദ്രനും ചേർന്ന് ഒരുക്കിയിരിക്കുന്നു.

ചലച്ചിത്ര സംവിധായകരായ എം.എ. നിഷാദ്, സോഹൻസീനു ലാൽ, നടി സരയു മോഹൻ എന്നിവരാണ്  പ്രധാന കഥാപാത്രങ്ങളെ അവതരിപ്പിച്ചത്. വിദേശത്തുനിന്നും വരുന്ന ഹരി എന്ന കഥാപാത്രമായി മികച്ച പ്രകടനമാണ് നിഷാദ് കാഴ്ചവയ്ക്കുന്നത്. എല്ലാവരെയും ആത്മാർത്ഥയി സഹായിക്കുവാനും സ്നേഹിക്കുവാനും മനസ്സ് കാണിച്ച പ്രവാസി കൊറോണ സമയത്തു നാട്ടുകാരുടെ വില്ലനായി മാറിയ കഥ അകലം പറയുന്നു. വിനു പട്ടാട്ട് ക്യാമറയും അഖിൽ എ.ആർ എഡിറ്റിംഗും മിനീഷ് തമ്പാൻ സംഗീതവും നിർവഹിച്ചിരിക്കുന്നു.