1948ല് നിന്ന് 2019ലേക്കൊരു ടൈം ട്രാവൽ; വൈറലായി ഹ്രസ്വചിത്രം
Mail This Article
ഹോളിവുഡ് സിനിമകളിൽ കണ്ടുശീലിച്ച ടൈം ട്രാവൽ പ്രമേയമാക്കി ഒരു മലയാള ഹ്രസ്വചിത്രം. ടൈം മെഷീന് ഉപയോഗിച്ച് 1948ല്നിന്ന് 2019ലേക്ക് സഞ്ചരിക്കുന്ന സമയസഞ്ചാരികളായ ദമ്പതിമാരുടെ കഥ പറയുകയാണ് മകരം 20, 1194 എന്ന ഹ്രസ്വചിത്രം. ശ്യാം നാരായണന് ടി.കെ. ആണ് തിരക്കഥയും സംവിധാനവും നിര്വഹിച്ചിരിക്കുന്നത്.
തണ്ണീര്മത്തന് ദിനങ്ങള്, അള്ളു രാമേന്ദ്രന് തുടങ്ങിയ ചിത്രങ്ങളിലൂടെ ശ്രദ്ധേയനായ വിനീത് വാസുദേവന്, അനുശ്രീ മാധവന്, തരുണ് പരമേശ്വരന്, നാരായണന് നമ്പൂതിരി, ഗീത എ.കെ തുടങ്ങിയവര് ചിത്രത്തില് അഭിനയിച്ചിരിക്കുന്നു. ഛായാഗ്രഹണം എം.ടി വിനീത് ഭാസ്കര്, സംവിധാനസഹകരണം ചിന്തു ജോസ്, എഡിറ്റിങ് മുഹ്സിന് പി.എം, പശ്ചാത്തലസംഗീതം വിഷ്ണു ശിവശങ്കര്, ശബ്ദസന്നിവേശം അഖില് അനില്കുമാര്, ചമയം നീനു പയ്യാനക്കല് എന്നിവര് നിര്വഹിച്ചിരിക്കുന്നു.