വ്യത്യസ്തമാണ് ഈ ‘പ്യൂപ്പ’; കൈയ്യടി നേടി ഹ്രസ്വചിത്രം
Mail This Article
സമൂഹമാധ്യമങ്ങളിൽ ശ്രദ്ധനേടടി ഫയാസ് ജഹാൻ സംവിധാനം ചെയ്ത പ്യൂപ്പ എന്ന ഹ്രസ്വചിത്രം. കാലികപ്രസക്തിയുള്ള വിഷയം കൈകാര്യം ചെയ്യുന്ന ചിത്രം അതിന്റെ മേക്കിങു കൊണ്ടും വ്യത്യസ്തമാകുന്നു. ദേവകി രാജേന്ദ്രൻ, ജബിർ നൗഷാദ് എന്നിവരാണ് അഭിനേതാക്കൾ.
പ്യൂപ്പ എന്നത് ഒരു ഇരുട്ടറയാണ്. മനുഷ്യ മനസ്സിന്റെ പിരിമുറുക്കങ്ങൾ അടങ്ങിയിട്ടുള്ള ഒരു ഇരുട്ടറ. അത്തരമൊരു സംഘർഷഭൂമികയിലാണ് ചിത്രകാരനായ നമ്മുടെ കഥാനായകൻ. അവന്റെ ഉള്ളിലേക്ക് കടന്നുവരുന്ന ഓർമ്മത്താളുകളുടെ ഉൾവിളികൾ അവനിൽ മാറ്റങ്ങൾ സൃഷ്ടിക്കുന്നു. സ്വതമില്ലാത്ത മനുഷ്യരായി ജീവിച്ചു മരിക്കാതെ, അപൂർണതയിലും പൂർണത കണ്ടെത്തുക എന്ന ആശയമാണ് വെറും പന്ത്രണ്ട് മിനിറ്റ് ദൈർഘ്യമുള്ള ഈ ചിത്രം വരച്ചുകാട്ടുന്നത്.
ഒരു കൂട്ടം ചെറുപ്പക്കാരുടെ ആദ്യത്തെ സ്വതന്ത്ര സംരംഭമാണ് ഈ കുഞ്ഞുചിത്രം. നവാഗതനായ ഫയാസ് ജഹാൻ തിരക്കഥയും സംവിധാനവും നിർവഹിക്കുന്ന ഈ ചിത്രം നിർമിച്ചിരിക്കുന്നത് ജിഹാസ് ജഹാനാണ്. ഗൂസ്ബെറി എന്റർടൈൻമെന്റ്സിന്റെ ബാനറിൽ ആണ് നിർമാണം. ഛായാഗ്രഹണം അഖിൽ. എഡിറ്റിങ് ഷിബിൻ കെ. ചന്ദ്രൻ. ആർട് നിഥിൻ.