‘സിനിമ’ പ്രദർശനത്തിനൊരുങ്ങുന്നു

അനിൽ ചിത്രു രചനയും സംവിധാനവും നിർവഹിക്കുന്ന മ്യൂസിക്കൽ മിനി മൂവി ‘സിനിമ’ പ്രദർശനത്തിനൊരുങ്ങുന്നു.ഡെയ്‌ലി സ്കിൽസിന്റെ ബാനറിൽ, പിങ്ക്സ് വിഷ്വൽ സ്പെയ്സിന്റെയും, E=MC2ന്റെയും സഹകരണത്തോടെ, സുബിലാൽ കെ ആണ് നിർമാണം.

കോവിഡ് കാലത്തു അടഞ്ഞു കിടന്നിരുന്ന നോർത്ത് പറവൂർ ഷഫാസ് തിയറ്ററിനുള്ളിലാണ് 24 മിനിറ്റുള്ള ഈ ചിത്രത്തിന്റെ ഭൂരിഭാഗവും ചിത്രീകരിച്ചിരിക്കുന്നത്. ഒരു കൂട്ടം സിനിമ മോഹികളുടെ സിനിമ ചിത്രീകരണവും, നിഗൂഢമായ ഒരു ബംഗ്ലാവിനെ ചുറ്റിപറ്റിയുള്ള കഥകളുമാണ് സംഗീതത്തിന് പ്രാധാന്യം നൽകികൊണ്ടുള്ള സിനിമയുടെ ഇതിവൃത്തം.

ക്യാമറ അനീഷ്‌ ബാബു അബ്ബാസ്, എഡിറ്റർ ജോവിൻ ജോൺ, സംഗീതം രാകേഷ് കേശവൻ, ആർട്ട്‌ ശ്രീകുമാർ കരീകോട്, സൗണ്ട് ഡിസൈനർ കരുൺ പ്രസാദ്, മേക്കപ്പ് രതീഷ് കൃഷ്ണ.

ഒരു കൂട്ടം പുതുമുഖങ്ങളോടൊപ്പം ഇതിലെ എല്ലാ ടെക്‌നിഷ്യന്മാരും ഇതിൽ അഭിനയിച്ചിരിക്കുന്നു. പുതിയ ഒടിടി പ്ലാറ്റ്ഫോം ആയ ഹൈ ഹോപ്സ് എന്റർടെയ്മന്റിലൂടെ ജനുവരി 10ന് ചിത്രം റിലീസ് ചെയ്യും.